چالاکیا "رۆناهیا شەمالکێ" یا خێرخوازی: هەڤپشکیەک دناڤبەرا زانکویا زاخۆ و قوتابخانا لایت دا

Published Date: Sunday, 8 February 2026, 00:33

**چالاکیا "رۆناهیا شەمالکێ" یا خێرخوازی: هەڤپشکیەک دناڤبەرا زانکویا زاخۆ و قوتابخانا لایت دا**

د هەولەکا مرۆڤایەتی یا بەرچاڤدا، کۆلیژا زانست ل زانکۆیا زاخۆ، ب هەڤکاری لگەل قوتابخانا لایت یا نەحکومی، چالاکیەکا خێرخوازی یا سەرکەفتی بناڤێ "رۆناهیا شەمالکێ یا خێرخوازی" ئەنجامدا.
ئارمانجا سەرەکی یا ڤێ چالاکیێ پشکداریکرن بوو د کێمکرنا ئێش و ئازارێن نەخۆشێن شێرپەنجێ و پشتەڤانیکرنا وان د ڕێڤەچوونا چارەسەریێ دا.

د چارچوڤێ چالاکیێ دا، قوتابیێن هەردوو لایان ب گیانەکێ هەڤکاریێ و ب ڕەوشتەکێ بلند ڕابوون ب فرۆتنا جورەها کەلوپەل و خوارنێن جودا.
هەژیە بێژین؛ داهاتێ ڤێ چالاکیێ هاتە تەرخانکرن بۆ نەخۆشێن شێرپەنجێ، کو دێ بیتە پشتەڤانیەکا ماددی و مەعنەوی بۆ وان و خێزانێن وان.

ئەڤ چالاکیە نە بتنێ سەرکەفتنەکا دارایى بوو، بەلکو گیانێ خێرخوازیێ و هەڤکاریێ دناڤا جڤاکی دا بەلاڤکر، و نیشا دا کو هەماهەنگی دناڤبەرا دام و دەزگەهێن ئەکادیمی و پەروەردەیی دا دشێت ببیتە ئەگەرێ گوهۆرینێن ئەرێنی و مەزن.
سوپاسیا هەمی وان لایەنان دکەین ئەوێن پشکداری دڤێ چالاکیا پیروزدا کری.