ل رۆژا دووشەمبی و سێ شەمبی (٢٩ و٣٠/١١/٢٠٢١)ز وورکشوپێ (پرۆژێ حوکمڕانی ، کوالێتی، خەمڵاندن و پرۆسێسا چاکسازیێ ل کوردستانێ) ل زانکۆیا سەڵاحەدین ل پارێزگەها هەولێرێ و ب چاڤدێریا د. ارام مه‌حمه‌د قادر وەزیرێ خواندنا بلند و ڤه‌كولینێن زانستى و بئامادەبونا ژمارەكا راوێژکار و سەرۆك زانکۆیا  و رێڤه‌به‌ریێن گشتی ل دیوانا وەزارەتێ و  ب سەرپەرشتیار به‌رپرسێن ڕێکخراوا (UNIMED) یا ئیتاڵی هاتە ئەنجامدان.  بەرێز پ.د. ناظم سلێمان عبدالعزيز (سەروکێ زانکویا زاخۆ)، پ.د. یاسین طه (هاریکارێ سەروکێ زانکۆیێ بو کاروبارێن زانستی)، د. دلیر عادل جمیل (رێڤەبەرێ رێڤەبەریا دلنیایی جوری) و ماموستا دلوڤان سلمان، بەژداری ل ڤی وورکشوپیدا کرن وەك نوێنەرێن زانکۆیا زاخۆ. هەژیە بێژین ئەڤ پرۆژە ب ناڤێ  APPRAIS  دهێتە نیاسین و دڤی پرۆژەیدا هەشت زانکۆیێن کوردستانێ (زانکویا زاخۆ، زانکویا دهوك، زانکۆیا سلیمانی، زانکۆیا سەلاحەدین، زانکۆیا پۆلیتەکنیکی دهۆك، زانکۆیا چەرمۆ، زانکۆیا هەلەبچە، زانکۆیا گەرمیان) و وەزارەتا خواندنا بلند یا کوردستانێ دگەل رێکخراوا یونیمێت (UNINED) وچار زانکویێن ئوروپی  بەژدارن.