وه‌زیرێ خواندنا بلند دیڤچۆنا ئه‌نجامێن سكالایێن پێشكێشكارێن ماسته‌ر و دكتۆرایێ دكه‌ت

Tuesday, 30 June 2020, 00:30

ل ڕۆژا ئێكشه‌مبێ ڕێكه‌ڤتى 28/06/2020 دكتۆر ئارام محمد قادر وه‌زیرێ خواندنا بلند و ڤه‌كۆلینێن زانستى ب مه‌ره‌ما ژ نێزیك ئلگه‌هداربوون ژ ئه‌نجامێن دوماهیێ یێن پرۆسا سكالایێن پێشكێشكارێن خواندنا بلند ل زانكۆیێن هه‌رێما كوردستانێ، سه‌ره‌دانا تیما فه‌رمانگه‌ها ڤه‌كۆلین و په‌ره‌پێدانێ ل وه‌زاره‌تێ كر.

د كۆمبوونێدا وه‌زیرێ خواندنا بلند دا دیاركرن،كۆ ئارمانجا وه‌زاره‌تێ ژ پرۆسا خواندنا دپلۆما بلند و ماسته‌ر و دكتۆرایێ ئه‌و بوو كو شه‌فافیه‌ت و دادپه‌روه‌رى ده‌رفه‌تا خواندنێ ب یه‌كسانى بۆ هه‌موو پێشكێشكاران بیت، ژبۆ ڤێ یه‌كێ هه‌مى بزاڤ هاتینه‌ دان كو پرۆسه‌ ب شێوه‌یه‌كێ سه‌ركه‌فتى بهێته‌ ئه‌نجامدانو نهۆ ژى ل قۆناغا دوماهیێ یا پرۆسێدانه‌ كو قۆناغا سكالا و نه‌رازیبوونێیه‌، ژبۆڤێ چه‌ندێ دیڤچۆن دێ بۆ هه‌مى سكالا و نه‌رازیبوونان هێته‌ كرن ب مه‌ره‌ما شه‌فافیه‌ت و دادپه‌روه‌رییێ د پرۆسێدا، ژبۆ ئه‌ڤێ چه‌ندێ ژى تیمه‌ك یا هاتیه‌ راسپاردن بۆ دانانا میكانزما پێدڤى.

وه‌زیرێ خواندنا بلند ئاواژه‌ ب وێ چه‌ندێ دا ئه‌گه‌رێ دره‌نگ راگه‌هاندنا ئه‌نجامێن نه‌رازیبوونان ژبه‌ر هه‌بوونا په‌تالا ڤایرۆسێ كۆرۆنا و بێهنڤه‌دانێن فه‌رمى بوو ژ لایێ حكونه‌تا هه‌رێما كوردستانێ.

ل دوماهێ وه‌زیرێ خواندنا بلند پتر دا دیاركرن كو پێنگاڤا دووێ ژ پرۆسێ پشتى راگه‌هاندنا ئه‌نجامێن سكالا و نه‌رازیبوونێ یه‌ ئه‌و ژى ناڤێن وه‌رگرتیێن دپلۆما بلند و ماسته‌ر و دكتۆرایێ یێن پرركرنا كورسیێن به‌تال.