ل ڕۆژا چوارشه‌مبێ رێكه‌ڤتى (08/04/2020)ئه‌نجومه‌نێ وه‌زاره‌تا خواندنا بلند ب سه‌رپه‌رشتیا وه‌زیرێ خواندنا بلند دكتۆر (ئارام محمد قادر) و ب ئاماده‌بوونا هه‌مى ئه‌ندامان كۆمبوونه‌كا ڤیدیۆ ئۆنلاین هاته ئه‌نجامدان.
د ئه‌ڤێ كۆمبوونێدا ته‌وه‌ره‌كێ تایبه‌ت ب دیراسه‌تكرنا هه‌لبژاردنێن لبه‌رده‌م زانكۆیێن كوردستانێ بۆ پاراستنا پرۆسا خواندنێ یا سالا (2019-2020) ژ بۆ ڤێ مه‌ره‌مێ هه‌مى زانكۆیان راپۆرتێن تایبه‌ت پێشكێشى وه‌زاره‌تێ كرن، پشتى گه‌نگه‌شه‌كرن و هه‌لسه‌نگاندنێ ئه‌ڤ بریارێن لخوارێ هاتنه دان:
1- ئه‌نجومه‌نێ وه‌زاره‌تێ دلنیایێ دده‌ته هه‌مى قوتابیێن كوردستانێ كو سالا خواندنێ (2019-2020) ب هه‌روه ناچیت و لبه‌رچاڤگرتنا بارودۆخى رێكارێن زانستى دێ گرنه به‌ر بۆ پاراسستنا پرۆسا خواندنێ.
2-زانكۆیێن كوردستانێ دێ د به‌رده‌وام بن بۆ به‌رهه‌ڤیا ژبۆ وێ چه‌ندێ ئه‌گه‌ر نه‌شیان هه‌تا (02/05/2020) خواندنا ئاساى ده‌ستپێبكه‌ت ئه‌وا خواندنا ئه‌لكترۆنى دێ ده‌ستپێكه‌ت بۆ مه‌ره‌ما ته‌مامكرنا پرۆگرامێ خواندنا ئه‌ڤ ساله.
3- ل حاله‌تێ ده‌ربازكرنا خواندنا ئه‌لكترۆنى،د چارچۆڤێ زانست و ئه‌كادیمیێدا دێ ده‌ستهه‌لاتێ ده‌نه زانكۆیان ژبۆ وێ چه‌ندێ سه‌ربه‌ست بن د بكارئینانا هه‌ر جۆره پلاتفۆرم و ئه‌پلیكه‌یشنه‌كێدا كو لگه‌ل تایبه‌تمه‌ندیێن زانكۆیێدا بگونجیت.
4- وه‌زاره‌تا خواندنا بلند دێ هاریكاربیت ژبۆ چاره‌سه‌ركرنا هه‌ر كێشه و ئاریشه‌كێ ئه‌ڤێن دهێنه به‌رده‌م چێبچێكرنا ئه‌ڤێ پرۆسێ.
5- ئه‌و قوتابیێن كو به‌ریا نها ده‌ست ب پرۆسا خواندنا بلند (دبلۆم،ماسته‌ر،دكتۆرا) كرى و ل قۆناغێن (كۆرسات،ڤه‌كۆلین، گه‌نگه‌شه‌یا نامه‌یان) دان دێ ب هه‌مان شێوازێ خواندنا ئه‌لكترۆنى درێژه ب پرۆشێسا خواندنێ ده‌ن. هه‌روه‌سا ئه‌و قوتابیێن پێتڤى ب تاقیگه‌هان بیت ب ره‌زامه‌ندیا سه‌رۆكایه‌تیا زانكۆیێ دێ هاریكارى هێته‌كرن بۆ وه‌رگرتنا ره‌زامه‌ندیێ كو كارێن خۆ ل تاقیگه‌هێ بكه‌ن.
6- زانكۆ و په‌یمانگه‌هێن تایبه‌ت ژى ب هه‌مان شێوه‌یێ زانكۆیێن حكومى پێتڤیه پاپه‌ندى رێنمایێن سه‌رى بیت.
7- ده‌زگه‌هێ سه‌رپه‌رشتى و دلنیا جۆرى و فه‌رمانگه‌ها خواندن و پلاندانانه و دویفچۆنێ ل وه‌زاره‌تا خواندنا بلند دێ دویفچۆنا به‌رده‌وام كه‌ن ژبۆ دلنیابوون و چاواندیا رێڤه‌برنا پرۆسا خواندێ.
8-وه‌زاره‌تا خواندنا بلند داوایێ ژ ئه‌نجومه‌نێ وه‌زیران دكه‌ت ب رێكا وه‌زاره‌تا گوهاستن و گه‌هاندنێ داوایێ ل هه‌مى كۆمپانیێن ئینته‌رنێتێ بكه‌ت هنده‌ك پاكێجێن تایبه‌ت ته‌رخان بكه‌ت بۆ زانكۆیان.
