ڕۆژا دووشەمبی ڕێـککــەڤتی (٢٠٢٥/٤/٢١) شاندەکێ زانکۆیا ئەمریکی یا کوردستان - دهۆک ب سەرپەرشتیا سەرۆکێ زانکۆیێ ڕێزدار (د. رەندال رۆدز) سەرەدانا زانکۆیا زاخۆ کرن و ژلایێ سەرۆکێ زانکۆیێ ڕێزدار (پ.د. دیار عبدالکریم سعید) پێشوازی لێ هاتە کرن.
د ڕوینشتنەکێدا؛ سەرەڕایی گەهاندنا پیرۆزباهیان ل سەرۆکێ نوی یێ زانکۆیێ، دانوستاندن ل سەر چاوانیا پێشڤەبرنا هەماهەنگیا دناڤبەرا هەردۆک زانکۆیان دا، ژ پێخەمەت ئەنجامدانا کۆنفرانس و چالاکیێن دوو ئالی، ب تایبەت د بیاڤێن (پەروەردە، ئافرەت، ساخلەمی، وەرزشی) هەروەسا پشکداریا ستاف و قوتابی و دەرچوویێن زانکۆیا زاخۆ د چاڵاکی و خۆلێن ناڤەندا پێشکەفتنا ئەکادیمی و پیشەیی یا (کاپا) ئەوێن ل زانکۆیا زاخۆ دهێنە ئەنجامدان.
هەژیە بێژین؛ یاداشتنامەیا لێکتێگەهشتنێ دناڤبەرا هەردۆ زانکۆیان دا هاتە نویکرن و ئیمزاکرن، ب مەرەما بەردەوامیدان ب چاڵاکیێن زانستی دناڤبەرا وان دا. ل دوماهیێ هەردۆک ئالیان خوشحالیا خۆ بۆ ڤێ سەرەردان و لێکتێگەهشتنێ دەربرین، بۆ هندێ مفایی ژ تاقیکرن و پرۆگرامێن ئێکودۆ ببینن ژ پێخەمەت باشتر خزمەتکرنا جڤاکی و خواستا باژێری.