ڕۆژا پێنجشەمبێ، ڕێکەفتی (٢٠٢٦/١٠/١٥) ل کەمپا زانکۆیا زاخۆ، پڕۆژەیەکێ گرنگ و ستراتیژی یێ ژینگەهپارێزیێ و چاندنا داران هاتە دەستپێکرن، بەرهەڤیێن هونەری و تەکنیکی هاتنە کرن و کو تێدا دێ ب سەدان دار ل کەمپا زانکۆیێ هێنە چاندن ب مەرەما زێدەکرنا ڕێژەیا کەسکاتیێ و جوانکرنا ژینگەها خواندنێ، هەروەسا ل ڕێکەفتی (٢٠٢٦/١١/١٥) دێ دار هێنە چاندن.
پێزانینێن سەرەکی دەربارەی پڕۆژەی:
• دابینکەر و پشتەڤان: ئەڤ پڕۆژەیە د چارچۆڤێ "پڕۆژەیێ ئاسۆیان" (Prospects Project) و ب پشتەڤانیا پرۆگرامێ وەبەرهێنانا کار (EIIP) ب هەڤکاریا رێکخراوا کارا یا نێڤدەولەتی (ILO) و ئیدارا سەربەخۆیا زاخۆ هاتە ڕگەهاندن و نوکە کار ل کەمپا زانکۆیێ دەستپێکر.
• ژمارە و جۆرێ داران: ب گشتی 16,350 (شازدە هزار و سێسەد و پێنجی) دارێن جۆراوجۆر دێ ل کەمپا زانکۆیێ هێنە چاندن، ژ وان ژی دارێن زەیتوونێ، کاژ (زاویته) و فستەقا (حلبی).
• دەرفەتێن کاری: ئەڤ پڕۆژەیە دەرفەتێن کاری بۆ هژمارەیەکا زۆر ژ ئەندازیار، کرێکار و باخچەڤانان دابین دکەت، هەروەسا دەرفەتێن کاری بۆ پەنابەرێن سووری و ئاوارەیێن عێراقی ژی د پەیداکەت، کو ئەڤە ژی ڕۆلەکێ مەزن دێ هەبێت د پشتەڤانیکرنا ئابوورێ ناوخۆیی دا.
ئامادەبوون و بەرهەڤی:
د ڕوونشتن و ئامادەکاریێن پێشوەختە دا بۆ دەستپێکرنا ڤی پڕۆژەی، ب سەرپەرشتیا ڕێزدار (پ.د. دیار عبدالکریم سعید) سەرۆکێ زانکۆیا زاخۆ، و ئامادەبوونا بەرێزان (پ.د. محمد حسن خمو) و نوینەرێ ڕێکخراوا (ILO)، و ئەندازیار (جلال اکرم قاسم) سەرۆکێ لیژنا سەرپەرشتیا پڕۆژەیان سەر ب ئیدارا سەربەخۆیا زاخۆ ڤە، و سەرپەرشتێ پڕۆژەیێ سەر ب ڕێکخراوا چاندنا داران ڤە، ئەندامێن یەکا ئەندازیاری ل زانکۆیێ، دویماهی ب ڕێکخستنان هات و ئەڤڕۆ پڕۆژە ب فەرمی کەفتە باری جێبەجێکرنێ ڤە.
زانکۆیا زاخۆ هیڤیخوازە کو ئەڤ هەڤکاریە بەردەوام بن و د پاشەڕۆژێ دا پڕۆژەیێن ژینگەهپارێزیێن دیتر ژی ل زانکۆیا مە بهێنە ئەنجامدان.