ڕۆژا دووشەمبی ڕێکەفتی (٢٢/ ٦/ ٢٠٢٦) د ڕێوڕەسمەکێدا ل هۆلا ڕێورەسمان یا زانکۆیا پۆلیتەکنیکا هەولێرێ، د. ئارام محەمەد قادر، وەزیرێ خواندنا بلند و ڤەکۆلینێن زانستی، باوەرنامێن ڕێزلێنانێ پێشکێشی هژمارەک مامۆستایێن زانکۆیێن کوردستانێ کرن، ل بەرامبەر بدەستڤەئینانا (داهێنانا زانستی - براءة الاختراع).
د ڤێ هەلکەفتێ دا، جهێ شانازییەکا مەزنە کو بۆ جارا ئێکێ ل سەر ئاستێ زانکۆیا زاخۆ، مامۆستا (م.هـ. سمیرە شکر محمدامین) ئێک بوو ژ وان داهێنەرێن کو خەلاتێ ڕێزلێنانێ یێ وەزارەتێ وەرگرتی. ئەوا ڤێ دەستکەفتێ گرنگتر لێ دکەت ئەوە کو داهێنانا زانستی یا مامۆستایێ ل سەر ئاستێ ناڤدەولەتی بوویە و ل دامەزراوەیەکێ ل وەڵاتێ ئەمریکا هاتیە تۆمارکرن.
ب ڤێ هەلکەفتا گرنگ، سەرۆکاتیا زانکۆیا زاخۆ گەرمترین پیرۆزباهی و دەستخۆشیێ ئاراستەی مامۆستا (سمیرە شکر) دکەت. ئەڤ دەستکەفتە نیشانا شیان و بزاڤێن ڕەسەن و بلند یێن ستافێ ئەکادیمی یێ زانکۆیا مە یە بۆ ڤەکۆلینێن زانستی. ئەم هیڤیا سەرکەفتنێن مەزنتر و بەردەوام بۆ مامۆستایێ دخوازین ژ پێخەمەت خزمەتکرنا زانستی و پێشڤەبرنا ناڤەندێن ئەکادیمی ل کوردستانێ.