ڕۆژا دووشەمبی ڕێــککـــەڤتی (٢٠٢٥/٧/٢٨) شاندەکێ بلند ب سەرۆکاتیا ڕێزدار (پ.د. دیار عبدالکریم سعید) سەرۆکێ زانکۆیا زاخۆ و لگەلدا بەڕێزان ئەندامێن جڤاتا زانکۆیێ، سەرەدانا قایمقامیا قەزا زاخۆ كرن و ژلایێ ڕێزدار (مشیر محمد بشیر) قایمقامێ قەزا زاخۆ ڤە هاتنە پێشوازیکرن.
د ڕوینشتنەکێ دا هەردۆک ئالیان خۆشحالیا خۆ ب ئەڤێ سەرەدانێ دەربرین و پاشان گەنگەشە ل سەر چەند بابەتێن گرنگ هاتە کرن.
ژلایێ خۆ ڤە قایمقامی دەستخۆشی ل زانكۆیا زاخۆ كر و پشتەڤانیا خۆ دوپاتكر و گوت: دێ د بەردەوامبین د خزمەتكرنا زانكۆیێ ب گشتی، هەروەسا جەخت ل هندێ کر، کۆ هەماهەنگی پێدڤیە دناڤبەرا زانكۆیێ و جڤاكی دا هەبیت، ژ بۆ پتر خزمەتكرنا هاولاتیان و خواست چالاكی و خولێن زانستی ژلایێ زانكۆیێ ڤە بۆ ڕێڤەبەریێن سنورێ ئیدارا سەربەخویا زاخۆ بهێنە ڤەکرن، ژ پێخەمەت بلندكرنا شیانێن كارگێری ل دەڤ رێڤەبەریێن کەرتێ حکومی.