ڕۆژا شەمبیێ ڕێــککــەڤتی (٢٠٢٥/٥/٣) ب ئامادەبوونا ڕێزداران (گوهدار شێخۆ) سەرپەرشتێ ئیدارا سەربەخۆ یا زاخۆ و (د. صباح ابراهيم ويسی) نوینەرێ وەزارەتا خواندنا بلند و ڤەکۆلینێن زانستی، جڤاتا زانکۆیا زاخۆ، سەرۆکێن زانکۆیان، ئەندام پەرلەمان، کەسایەتی ژ دامودەزگەهێن حکومی و حزبی و تایبەت، زانکۆیا زاخۆ ئاهەنگا دەرچوونا قوتابیێن خۆ یێن گەڕا (١٤)ـێ بۆ ساڵا خواندنێ (٢٠٢٣-٢٠٢٤) گێڕا.
ڕێوڕەسم ب ڕێپیڤانا مەرکەبێ قوتابی و مامۆستا و جڤاتا زانکۆیی دەستپێکر و پاشان ب خولەکەکێ ڕێز ل گیانێ پاکێ شەهیدێن ڕێکا ڕزگاریخوازا کوردستانێ هاتە گرتن و چەند ئایەتێن قورئانا پیرۆز هاتنە خواندن.
هەروەسا د ئەڤێ ئاهەنگێدا چەند پەیڤەک هاتنە خواندن، ئەوژی پەیڤا زانکۆیێ ژلایێ ڕێزدار (پ.د. دیار عبدالکریم سعید) سەرۆکێ زانکۆیا زاخۆ و پەیڤا وەزارەتا خواندنا بلند و ڤەکۆلینێن زانستی (د. صباح ابراهيم ويسی) نوینەرێ وەزارەتا خواندنا بلند و پەیڤا قوتابیێن دەرچوویی ژلایێ قوتابی (سامان شڤان ڕەمەزان).
پاشان سیندا دەرچوونێ ژلایێ ڕێزدار (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان هاتە خواندن و قوتابیان ڤەگێرا، هەروەسا سیندا تایبەت یا کۆلیژا پزیشکی ژلایێ ڕێزدار (پ.د. نوفل رشید حسین) ڕاگرێ کۆلیژا پزیشکی ڤە هاتە خواندن و قوتابیێن پزیشکی ڤەگێرا.
ل دوماهیێ ژلایی ڕاگرێن فاکۆلتی و کۆلیژان داخوازا باوەرنامێ ژ سەرۆکێ زانکۆیێ هاتە کرن و سەرۆکێ زانکۆیێ باوەرنامە پێشکێشی قوتابیان کر و پیرۆزباهیێن گەرم ئاراستەیی وان کر و داخوازا سەرکەفتنێ بۆ خواست.
پیرۆزبیت دەرچوونا قوتابیێن زانکۆیا زاخۆ، یێن گەڕا (١٤)ـێ بۆ ساڵا خواندنێ (٢٠٢٣-٢٠٢٤).