ڕۆژا سێشەمبی ڕێــککــەڤتی (٢٠٢٥/٤/٢٢) لژێر چاڤدێرییا ڕێزدار (گوهدار شێخۆ) سەرپەرشتێ ئیدارا سەربەخۆ یا زاخۆ و ب ئامادەبوونا ڕێزدار (پ.د. دیار عبدالکریم سعید) سەرۆکێ زانکۆیێ و خانم (د. ژاڵە سعید خطاط) نوینەرا وەزارەتا خواندنا بلند و ڤەکۆلینێن زانستی، سەنتەرێ زاخۆ بۆ ڤەکۆلینێن کوردی، نەهەمین کۆنفرانسێ خۆ یێ زانستییێ ناڤدەولەتی لژێر ناڤونیشانێ "ئەفسانەیا کوردی" ئەدەب، زمان، دیرۆک و جڤاک دەستپێکر.
ڕێورەسم ب خولەک ڕاوەستان بۆ گیانێ پاکێ شەهیدێن ڕێکا ڕزگاریخوازا مللەتێ کورد دەستپێکرن و پاشان پەیڤا بخێرهاتنێ و چەند پەیڤێن دی هاتنە پێشکێشکرن، تێدا بەحس ل کار و چاڵاکیێن سەنتەرێ زاخۆ بۆ ڤەکۆلینێن کوردی هاتە کرن و ڕولێ وان یێ بەرچاڤ د خزمەتا دیرۆک، زمان، وێژە و جڤاکێ کوردستانێ دا دانە دیارکرن، پاشان دەستخۆشی ل هەمی پشتەڤان و ئەوان کەسێن پشکدار د ئەڤان کارێن زانستییێن پڕ ب بها هاتە کرن.
دهێتە زانین؛ کۆ ئەڤە دبیتە نەهەمین کۆنفرانسێ زانستییێ سەنتەرێ زاخۆ بۆ ڤەکۆلینێن کوردی، هەر ساڵ کۆنفرانسەکێ زانستی ب بابەتەکێ گرنگ یێ کۆ خزمەتا مێژوو، ئەدەب، زمان و جڤاکێ کوردی پێشکێشک دکەن.
د ئەڤی کۆنفرانسی دا؛ مێهڤان و ڤەکۆلەر ژ (١٣)  وەڵاتێن جودا جودا و هەر چوار پارچەیێن کوردستانێ پشکدارن و بۆ دەمێ دو ڕۆژا ب پێشکێشکرنا سمینار، وۆرکشۆپ، ڕوینشتن و شێوەیێ سەرهێل (Online) یێن گرێدایی بابەتێ سەرەکی دێ یێ بەردەوام بیت. هەروەسا ڤەکۆلینێن هژمارەکا ڤەکۆلەران د پەرتووکەکا (١٦٠٠) لاپەری دا هاتینە نڤیسین و چاپکرن و دێ کەڤیتە بەردەستێ خواندەڤانان و خزمەتا بیاڤێ ئەدەبێ کوردی.
#ئەڤسانەیا_کوردی