ڕۆژا شەمبی ڕێــککــەڤتی (٢١-٩-٢٠٢٤) وەزارەتا خواندنا بلند و ڤەکۆلینێن زانستی سیستەمێ زانکۆلاین یێ تومارکرنا قوتابیێن پۆلا دوازدێ ئێخستە کاری، زانکۆیا زاخۆ ژی بۆ ڤێ مەرەمێ و خزمەتکرنا قوتابیێن دەڤەرێ، ڕۆژا ئێکشەمبی ڕێـککــەفتی (٢٢-٩-٢٠٢٤) ب ئامادەبوونا ڕێڤەبەرێ تومارا گشتی ل زانکۆیێ بەرێز (د. پشتیوان محمد امین) و لگەلدا ستافەکێ پسپۆر کۆ هژمارا وان (٢٠) فەرمانبەر بوون و بەرهەڤکرنا هەمی پێدڤیاتیان، سەنتەرەکێ ڕاوێژکاری بۆ داگرتنا فورمێن قوتابیێن پۆلا دوازدێ ڤەکرن و پێشوازی ل وان هاتە کرن.
ڕێڤەبەرێ تومارا گشتی گوت: هەر ژ ڕۆژا ئیکێ یا کارابوونا سیستەمی، قوتابیان ژ سەرانسەری پارێزگەها دهۆکێ سەرەدانا سەنتەرێ مە کریە، کۆ هژمارا وان زێدەتر ژ (٧٠٠) قوتابیان بووینە و ناڤێن وان هاتینە تومارکرن، و ب باشترین شێوە خزمەت پێشکێشی وان هاتیە کرن. هیڤیا سەرکەفتنێ بۆ هەمی قوتابیان دخازین.
ژ ئەوان خزمەتێن هاتینە پێشکێشکرن بۆ قوتابیان:
١- داگرتنا فورمان.
٢- ڕێنمایی و شیرەتێن قوتابی پێدڤی.
٣- ئەکتیف کرنا کودێن قوتابیێن ل ساڵێن بووری دەرچووین.
٤- ڤەگەراندنا فورمێن ب خەلەتی هاتینە داگرتن و دوبارە هنارتن.