ل ڕۆژا ئێكشه‌مبێ ڕێكه‌ڤتى 12/06/2022 شانده‌ك ژ زانكۆیا زاخۆ ژبۆ به‌رده‌وامیدان ب پرۆگرامێ وۆركشۆپێن پرۆژێ Apprais سه‌ره‌دانا باژێرێ سلێمانیێ كرن، ژلایێ زانكۆیا سلێمانیێ ڤه پێشوازى ل هه‌مى ئاماده‌بوویێن پرۆگرامى هاته كرن، ئه‌ڤ وۆركشۆپا فێركارى بۆ ماوه‌یێ حه‌فتییه‌كێ به‌رده‌وام بوو .
شاندێ زانکۆیا زاخۆ کۆ پێکدئێت ژ بەڕێزان (پ.ھ.د.کاروان فھمی سامی) هاریكارێ سه‌رۆكێ زانكۆیێ بۆ كاروبارێن قوتابییان، (د.دلێر عادل ئاكره‌هى) رێڤه‌به‌رێ رێڤه‌به‌رییا دلنیا جۆرى ل زانكۆیێ، (د.نزار عسمت) رێڤه‌به‌رێ په‌یوه‌ندیێن نیڤده‌وله‌تى ل زانكۆیێ، (د.اسماعیل على) ڕێڤه‌به‌رێ سه‌نته‌رێ ICT ل زانكۆیێ و به‌رپرسیار ب پرۆسا بۆلۆنیا ل ناڤا زانكۆیێ و هه‌روه‌سا (م. اسلام بابێلا) ڕێكخه‌رێ دلنیا جۆرى ل كۆلیژا كارگێرى و ئابوورى.
ئەڤ پڕۆژەیە چەندین لایەنا ب خوەڤە گرێددەت ژ وان، چاوانیا پێشخستنا سیستەمێ بۆڵۆنیا و دڵنیا جوری و پێشخستنا زانکۆیێن ھەرێما کوردستانێ، و ھەروەسا ئەو ئاریشەیێن ل زانکۆیێن ھەرێمێ و چاوا دێ شێین ب باشترین شێوە پێشبئێخن، و بھێزکرنا پەیوەندیان دگەل زانکۆیێن ژدەرڤە و ھەرێمێ.
ھەر د چوارچێوەیێ ڤی پڕۆژەیدا چەندین سەرەدان بۆ زانکۆیێن ھەرێمێ و ژدەرڤە دھێنە ئەنجامدان، و جوداھیا ئەو کارێن ل زانکۆیێن ژدەرڤە و ھەرێمێ دھێنە گەنگەشە کرن.
ماوەیێ ڤی پڕۆژەیی سێ ساڵن، ل چه‌ندین زانكۆیێن جودا جودا ل چه‌ند وه‌لاتێن ئه‌ورپى و كوردستانێ ئه‌ڤ به‌رنامه هاتینه رێكخستن و گه‌نگه‌شه‌یێن دوور و درێژ لسه‌ر هاتینه كرن
د ئه‌ڤێ وۆركشۆپێدا باس ل چاوانییا سه‌ركه‌فتنا زانكۆیا زاخۆ هاته كرن د پرۆسێسا بۆلۆنیادا ل سه‌ر رێكا درست، د په‌نه‌له‌كێ ئه‌ڤێ وۆركشۆپێ سیمینارەک هاتە پێشکێشکرن ژ لایێ (پ.هـ.د.كاروان فهمى سامى) ڤه، بو دیارکرنا چەوانیا پرێڤەبرنا بۆلۆنیا پروسێس ل زاخو . پشتی ڤێ سمینارێ چەندین گەنگەشە هاتنە ئەنجام دان و هەتا نوکە زانکویێ پێنگاڤێن باش و دروست هاڤێتینە د بۆلۆنیا پروسێس دا
