وه‌زاره‌تا خواندنا بلند ئه‌ڤساله‌ زۆرترین رێژا وه‌رگرتنێ بۆ ده‌رچۆیێن ئاماده‌ى دابینكر.

Saturday, 21 November 2020, 14:45

پشتى وه‌رگرتنا رێژه‌كا زۆر یا قوتابیێن ئاماده‌ى بۆ زانكۆ و په‌یمانگه‌هێن هه‌رێما كوردستانێ،  وه‌زیرێ خواندنا بلند و ڤه‌كۆلینێن زانستى دكتۆر (ئارام محمد قادر)  د داخویانه‌كێدا دا دیاركرن، كو د ئه‌نجامێ پێشكێشكرنا سكالایێن هاتینه‌ وه‌رگرتن (3249) قوتابیێن دى ل زانكۆ و په‌یمانگه‌هێن هه‌رێما كوردستانێ  هاتنه‌ وه‌رگرتن. ب ئه‌ڤى ره‌نگى ژی ئه‌و قوتابیێن ئه‌ڤ ساله‌ هاتینه‌ وه‌رگرتن رێژا وان گه‌هشته‌ (52,800) قوتابییان.

هه‌روه‌سا وه‌زیرێ خواندنا بلند ته‌كه‌ز ل رێكارێن وه‌رگرتنا قوتابییان كر و برێكرنا كاروبارێن قوتابییان و پێشوازیا زانكۆ و په‌یمانگه‌هان و جێبجێكرنا رێكارێن وه‌رگرتنێ د چوارچۆڤێ جێبجێكرنا رێكارێن ساخله‌میێ دا تشته‌كى چوان و رێكوپێك لقه‌له‌مدا.

لپێناو ره‌خساندنا پترین ده‌رفه‌ت بۆ ده‌رچۆیان، ئه‌ڤساله‌ زۆرترین پلانا وه‌رگرتنێ بۆ ده‌رچۆیان هاته‌ دابینكرن ب شێوه‌یه‌كى كو ل هه‌مى زانكۆ و په‌یمانگه‌هان هاتینه‌ وه‌رگرتن، د ئه‌ڤى چوارچۆڤه‌یدا وه‌زیرێ خواندنا بلند پتر دا دیاركرن، كو (5130) قوتابى یێن هاتینه‌ د ناڤ سیسته‌مێ سكالایێ دا ژ ئه‌وێ ژمارێ ژی (3249) قوتابیێن دى یێن هاتینه‌ وه‌رگرتن ب ڤى ره‌نگى هژمارا قوتابیێن ئه‌ه‌ڤساله‌ هاتینه‌ وه‌رگرتن ل زانكۆ و په‌یمانگه‌هێن هه‌رێما كوردستانێ گه‌هشتنه‌ (52,800) قوتابییان.