لده‌ستپێكا مه‌ها ئێك یا ئه‌ڤ ساله سازییا (وێبوماتریكس) ڕێزبه‌ندییا زانكۆیێن جیهانێ لسه‌ر چه‌ندین پیڤه‌ر و خالێن ئه‌كادیمى ڕاگه‌هاند، هه‌ژییه بێژین كو زانكۆیا زاخۆ ئێك ژ ئه‌وان زانكۆیانه یا كو بوویه جهێ گرنگیپێدان و لسه‌ر ڕاوه‌ستیانێ، ژبه‌ركو د چه‌ندین بیاڤێن هه‌لسه‌نگاندنێدا ل ڕێزێن ده‌سپێكێ هاتییه و خالێن هه‌ره‌باش لسه‌ر ئاستێ جیهانێ و ئیراقێ و زانكۆیێن هه‌رێما كوردستانێ كۆمكرینه.
بۆ نموونه لسه‌ر هێلا ئاماده‌بوونا ڕاسته‌وخۆ لسه‌ر ئینته‌رنێتێ ل سه‌ر ئاستێ زانكۆیێن هه‌رێما كوردستانێ یێن حكومى و تایبه‌ت ل ڕێزا حه‌فتێ هاتییه، هه‌روه‌سا بكارهینانا ڤه‌كۆلین و ناڤێ زانكۆیێ د ڤه‌كۆلیناندا ل ڕێزا پێنجێ یه، هه‌روه‌ها لسه‌ر بنه‌مایێ كاریگه‌ریێ دیسان ل ڕێزا یازدێ جهێ خۆ گرتییه لسه‌ر ئاستێ زانكۆیێِن حكومى و تایبه‌ت یێن كوردستانێ. وه‌ك تێكرا بۆ هه‌ر پێنج ڕێزبه‌ندییان لسه‌ر ئاستێ زانكۆیێن كوردستانێ ل ڕێزا (10) و ل سه‌ر ئاستێ ئیراقێ ل ڕێزا (33) بۆ هه‌مى زانكۆیێن حكومى و تایبه‌ت.
زانكۆیا زاخۆ د چه‌ندین بیاڤێن دیتر دا پێشكه‌ڤتنه‌ك بێ هه‌مپا تۆماركرییه و كارمه‌ندێن سازییا وێبوماتریكس ب پێشكه‌ڤتن و وه‌رارا خۆ مه‌نده‌هوش كرینه، ژبه‌ركو ژ مه‌ها ئێك یا ئه‌ڤ ساله هه‌تا مه‌ها حه‌فت ژ پله‌یا (11006) هاتییه پله‌یا (10173) هه‌لبه‌ت ئه‌ڤ چه‌نده كاره‌كێ ب ساناهى نینه و جهێ ده‌ستخۆشیێیه بۆ زانكۆیێ و ستافێ كارى.
لدوماهییێ گرنگه بێژین، كو سازییا ناڤهاتى ل وه‌لاتێ ئیسپانییایه و سالێ دوو جاران ڕێزبه‌ندییا زانكۆیان ب ڕێكا ئونلاین (ڕاسته‌وخۆ) ل هه‌یڤێن (1 و 7) ڕادگه‌هینت، ئه‌ڤ ڕێزبه‌ندییه جهێ گرنگیپێدانا زانكو و كه‌نالێن میدیایى ل سه‌رتاسه‌رى جیهانێیه.
