ل رۆژا ئێكشه‌مبێ رێكه‌ڤتى 22/03/2020 ب سه‌رپه‌رشتیا دكتۆر (ئارام محمد قادر) سه‌رۆكێ ئه‌نجومه‌نێ وه‌زاره‌تا خواندنا بلند و ڤه‌كۆلینێن زانستى كۆمبوونا ژماره‌ (3) یا ئه‌نجومه‌نێ وه‌زاره‌تێ برێڤه‌چوو، د چارچۆڤێ جێبجێكرنا رێنمایێن ساخله‌میێ، كۆمبوون ب رێكا ڤیدیۆ كۆنفرانسێ هاته‌ ئه‌نجامدان.

ل ده‌ستپێكا كۆمبوونێ ب ئاماده‌بوونا هه‌مى سه‌رۆكێن زانكۆیێن كوردستانێ وه‌زیرێ خواندنا بلند باسێ دووماهیك پێشهاته‌یێن ڤایرۆسێ كۆرۆنایێ ل سه‌رانسه‌رى كوردستانێ كر و چركرنا خۆپاراستنێ ژ ئه‌ڤى ڤایرۆسى. د به‌رده‌وامیا كۆمبوونێ دا گه‌نگه‌شه‌ ل سه‌ر پلانێن زانكۆیان هاتنه‌ كرن كۆ به‌رده‌وامى بهێته‌ دان ل سه‌ر خواندنێ د بێهنڤه‌دانێ دا ژبه‌ر رێكارێن خۆپارێزیێ خواندن بهێته‌ پلانكرن ب ڕه‌نگه‌كێ ئۆنلاین.

د ئه‌ڤێ كۆمبوونێ دا ئه‌ر ئێك ژ سه‌رۆكێن زانكۆیان  په‌یڤ و تێبینیێن خۆ پێشكێشكرن، سه‌رۆكێ زانكۆیا زاخۆ ژی به‌رێر پرۆفیسۆر (لزگین عبدى جمیل) چه‌ندین گه‌نگه‌شه‌ و تێبینى و پلانێن زانكۆیێ پێشكێشكرن، هه‌روه‌سا ئه‌نجومه‌نێ وه‌زاره‌تا خواندنا بلند ب زۆریا ده‌نگا بریار دا، كۆ هه‌مى شیانێن مرۆڤى و لۆجستیكى بهێنه‌ بكارئینان ژبۆ پاراستنا خواندنا ئه‌ڤ ساله‌. 

ئه‌نجومه‌نا وه‌زاره‌تا خواندنا بلند دلنیایێ دده‌ته‌ قوتابییان كو هه‌لبژارتنێن گونجاى لبه‌رده‌ستن ژبۆ پاراستنا خواندنێ هه‌تا كو جێبجێكرنا شێواز و سیسته‌مێ ئۆنلاین ئێكه‌ ژ وان هه‌لبژارتنا، زانكۆ ژی هه‌می پێكۆلا بكه‌ت بۆ هه‌ر تشته‌كێ پێدڤى.