ل ڕۆژا سێشەمبی (٣ی تشرینا دووێ / ١١ی ٢٠٢٦)، د چارچۆڤەیێ شۆڕەشا ژیرییا دەستکرد دا، کارێن دوه‌مین کونفرانسێ ناڤدەولەتی یێ ژیرییا دەستکرد (AISDW26) ل زانکۆیا ڕاپەڕین - کۆلێژا پەروەردەیا بنیات (هۆلا چالاکییان) ب ئامادەبوونا ئەکادیمی و ڤەکۆلەران دەستپێکرن.
ئەڤ کونفرانسە ژ لایێ زانکۆیا پۆلیتەکنیک یا دهۆکێ و زانکۆیا ڕاپەڕین ب هەڤپشکی دگەل چەندین زانکۆیێن دیارێن ناڤدەولەتی دهێتە ڕێکخستن، دا کو سەکۆیەکێ زانستی یێ جیهانی بۆ نیشاندانا نویترین ڤەکۆلین و داهێنانان بۆ ئاڤاکرنا پاشەڕۆژەکا بەردەوام دابین بکەت.
د ڤی کۆنفڕانسێ زانستی دا، سەرۆکێ زانکۆیا زاخۆ ڕێزدار (پ.د. دیار عبدالکریم سعید) و شاندێ لگەلدا  د پشدارن، ب مەرەما بهێزکرنا پەیوەندیێن زانستی و پشکداری د دانوستاندنێن ئەکادیمی یێن سەردەمیانە دا.