ل ڕۆژا چارشەمبێ ڕێککەڤتی (28/10/2026) ب سەرپەرشتییا مامۆستا “دلێر کەمال ئەحمەد” سەرەدانەکا زانستی بۆ قوتابییێن قۆناغا دوویێ یێن پشکا زمانێ کوردی بۆ کۆلیژا هونەرێن جوان ل زانکۆیا دهۆکێ هاتەڕێکخستن.
مامۆستا و قوتابییێن پشکا زمانێ کوردی، ب گەرمی ژ لایێ ستافێ ئەکادیمییێ کۆلیژا هونەرێن جوان و قوتابییانڤە هاتنە پێشوازیکرن. د سەرەدانێدا دوو شانۆگەری ژ لایێ قوتابییێن پشکا شانۆیێڤە هاتنەپێشکێشکرن، ل گەل ژەنینا مۆزیکێ و گۆتنا سترانێن ڕەسەن ژ لایێ مامۆستا و قوتابییێن پشکا مۆزیکێڤە، هەروەسا سەرەدانا پشکا شێوەکارییێ ژی هاتەکرن و قوتابییان ژ نێزیک زانیاری ل سەر خواندن و چاوانییا کارکرنا ئەوان وەرگرتن.
هەژییە بێژین، کو ئەڤ سەرەدانە د چارچووڤەیێ بابەتێ “ڕێبازێن ئەدەبی”دا ب ئارمانجا وەرگرتنا زانیارییێن هویری و کرداری ل سەر هونەرێن “شانۆ، مۆزیک و شێوەکارییێ” بوو، کو قوتابی ب ئاوایێ تیۆری ل سەر ڕۆلێ ژانرێ ئەدەبی و هونەری ل قۆناغێن جودا یێن پێشکەڤتنا جڤاکێ مرۆڤایەتییێ وانەیان وەردگرن.