ل کۆلیژا ئەندازیاری؛ لێـکـگـوهارتنا پۆستێ سەرۆکاتیا پشکا میکانیک ھاتە ئەنجامدان
ب ئامادەبوونا سەرۆکێ زانکۆیا زاخۆ بەرێز (پ. د. دیار عبدالکریم سعید) و بەرێز (پ. ھـ. د. جاسم محمد عبدو) ھاریکارێ سەرۆکێ زانکۆیێ بۆ کاروبارێن زانستی و خواندنا بلند، و ڕاگرێ کۆلیژا ئەندازیاری بەرێز (پ. ھـ. د. فرست حیتو عبدالرحمن)، ڕێوڕەسمەک بۆ لێکـگوهارتنا پۆستێ سەرۆکێ پشکا میکانیک ھاتە ڕێکخستن.
ل دەستپێکا ڕێوڕەسمی، سەرۆکێ زانکۆیێ ب ناڤێ جڤاتا زانکۆیێ سۆپاسی و ڕێزگرتنا خۆ پێشکێشی سەرۆکێ پێشتر یێ پشکێ بەرێز (پ. د. عمر محمد) کرن ژ بۆ وێ خزمەتا دیار و دلسۆزانە یا ل چەندین سالێن کارکرنێ پێشکێشی زانکۆیێ و قوتابییان کری، و ڕۆلێ وی یێ سەرکەفتی ل پێشئێخستنا ئاستێ زانستی یێ پشکێ ئەکادیمی بلند نرخاند.
ل دووماهیێ ژی، ئەرکێ سەرۆکاتیا پشکا میکانیک ب شێوەیەکێ فەرمی ڕاسپارد ب بەرێز (م. علی ابراھیم). ژ لایێ خۆ ڤە، سەرۆکاتییا زانکۆیێ هیڤییا سەرکەفتن و سەرفەرازیێ بۆ سەرۆک پشکێ نوی خواست د بجهئینانا ئەرك و بەرپرسیاریەتیێن وی یێن نوی دا ب مەبەستا پتر پێشئێخستن و خزمەتکرنا پرۆسەیا پەروەردە و زانستی.