ل ڕۆژا پێنجشەمبێ، ڕێکەفتی (١٧ی ئەیلوولا ٢٠٢٦ێ)، زانکۆیا زاخۆ ب گەرمی پێشوازی ل (پ. د. محمد حسیب صدیق) سەرۆکێ زانکۆیا کۆیە کر و ژلایێ بەڕێز (پ. د. دیار عبدالکریم سعید) سەرۆکێ زانکۆیا زاخۆ ڤە هاتە پێشوازیکرن.
د ڕوونشتنەکا هەڤپشک دا، هەردۆک ئالیان دانوستاندن ل سەر بهێزکرنا پەیوەندیێن ئەکادیمی، لێکگۆهارتنا سەربۆڕێن زانستی، و دابینکرنا دەرفەتێن هەماهەنگییا پتر د ناڤبەرا زانکۆیا زاخۆ و زانکۆیا کۆیە دا کرن. لایەنێ مێڤاندار دوپاتی ل سەر گرنگیا ڤان جۆرە سەرەدانان کر بۆ پەرەپێدانا ئاستێ خواندنا بلند و خزمەتکرنا ئارمانجێن زانستی.
د بەردەوامییا بەرنامێ سەرەدانێ دا، سەرەدانا کۆلیژا ئەندازیاری کرن. د ئەڤێ گەڕیانێ دا، ژ نزیک ڤە هۆلێن خواندنێ، ژێرخانا تەکنۆلۆژی، و لابۆرێن زانستی یێن پێشکەفتی یێن کۆلیژێ هاتنە بەڕێخودان و زانیاریێن پێدڤی دۆر ئامێر و پڕۆژەیێن زانستی هاتنە پێشکەشکرن.