شاندەکێ زانستی ژ پشکا ژیرییا دەستکرد ل زانکۆیا زاخۆ، پشکداریکرنەکا کارا و بەرهەمدار د وۆرکشۆپێ هەڤپشک یێ «ئێخستنا پرۆگرامێن خواندنا ژیرییا دەستکرد و گرێدانا وان ب پێدڤیاتییێن بازاڕێ کاری» کر.

ئەڤ وۆرکشۆپە ژلایێ زانکۆیا پۆلیتەکنیکا هەولێر، کۆلێژا تەکنیکا ئەندازیارییا کۆمپیوتەر و ئینفۆرماتیکێ، پشکا ئەندازیارییا ژیرییا دەستکرد و ڕۆبۆتیک، ب هەماهەنگی لگەل هەمی زانکۆیێن حکومی و نەحکومییێن هەرێما کوردستانێ یێن کو پشکێن ژیرییا دەستکرد هەی، هاتە ڕێکخستن.

ئەڤ وۆرکشۆپە بۆ دەمێ دوو ڕۆژان بەردەوام بوو؛ ل ڕۆژا چارشەمبێ ڕێکەفتی (٢٠٢٦/٩/٢) دەستپێکر و ل ڕۆژا پێنجشەمێ ڕێکەفتی (٢٠٢٦/٩/٣) ب دوماهیک هات. کۆمپانیا Optimal سپۆنسەریا ئەڤێ چالاکییا زانستی بوو.

ل ژێر سەرپەرشتییا (پ.هـ.د. فرست حیتو عبدالرحمن) ڕاگرێ کۆلێژا ئەندازیاری، و ب ئامادەبوونا (د. شڤان عبدالوهاب محمد) و (م. کردستان محسن) شاندێ زانکۆیا زاخۆ پشکدارییەکا دیار و بەرهەمدار ل دانوستاندن و کارێن وۆرکشۆپی کر. د ئەڤر چارچێوەیی دا، زانکۆیا زاخۆ دیتن و ئەزموونێن خۆ یێن ئەکادیمی و زانستی د بوارێ خواندنا ژیرییا دەستکرد پێشکێش کرن.

ئارمانجا سەرەکی یا وۆرکشۆپێ دانوستاندن بۆ ل سەر نویکرنا پرۆگرامێن خواندنێ، نێزیکـکرنا ناڤەڕۆکا وان ب پێدڤیاتی و گۆهۆڕینێن بازاڕێ کاری، و دەینانا بنەمایەکێ هەڤپشک بۆ پەرەپێدانا شیان و شارەزاییێن قوتابیێن بوارێ ژیرییا دەستکرد بوو. هەروەسا، پشکداربوویان ل سەر گرنگیا پەیوەندیکرنا خواندنا ئەکادیمی ب پڕاکتیک و پێدڤیاتیێن کومپانیێن تایبەت و دامەزراوەیێن کارکرنێ.

پشکدارییا زانکۆیا زاخۆ ل ئەڤێ کۆمبوونا زانستی، پشتڕاستکرنا گرنگیا هەڤکاریا ناڤبەرا زانکۆیان و ڕولێ گرنگ یێ پشکێن ژیرییا دەستکردە د ئاڤاکرنا پاشەڕۆژەکا زیرەک، نویکار و پەیوەندیدار بە پێداویستیێن کۆمەلگەهـ و بازاڕێ کاری.