د پێنگاڤەکا زانستی یا گرنگ دا ل سەر ئاستێ هەرێما کوردستانێ و ناڤدەولەتی، زانکۆیا زاخۆ ل گەل حەفت زانکۆیێن دی یێن هەرێمێ و زانکۆیەکا جیهانی یا مالیزی، بەرهەڤیان بۆ ئەنجامدانا دووەمین کۆنفرانسێ ناڤدەولەتی یێ زیرەکیا دەستکرد دکەت.
ڕۆژا چارشەمبی (١٢ی تەباخا ٢٠٢٦)، ل سەرۆکاتیا زانکۆیا پۆلیتەکنیک دهۆک، ئێکەم روینشتنا بەرهەڤکاریێ ب ئامادەبوونا سەرۆک و نوێنەرێن زانکۆیا زاخۆ، ل گەل سەرۆک و نوێنەرێن زانکۆیێن پشکدار، ڕێڤەبەرێ گشتی یێ سەنتەرێ وەبەرهێنانا زانستی و هاریکارێن سەرۆک زانکۆیان بۆ کارۆبارێن زانستی، کارگێڕی و قوتابیان هاتە برێڤەبرن.
ئارمانج ژ ڤێ روینشتنێ، دانانا ڕێکار و بەرهەڤیێن پێویست بوو، بۆ ئەنجامدانا ڤی کۆنفرانسێ زانستی یێ ناڤدەولەتی ئەوێ ب شێوازێ هەڤپشکی (Hybrid) دێ هێتە سازکرن ل ژێر ناڤونیشانێ:
???? (2nd International Conference on Artificial Intelligence for Sustainability in the Developing World - AISDW26)

زانکۆیێن پشکدار د ڤی کۆنفرانسیدا:
1. زانکۆیا زاخۆ
2. زانکۆیا پۆلیتەکنیک دهۆک
3. زانکۆیا ئاکرێ بۆ زانستێن کرداری
4. زانکۆیا ڕاپەرین
5. زانکۆیا ناڤدە،لەتی یا هەولێر (IUE)
6. زانکۆیا فەرەنسی - لبنانی (LFU)
7. زانکۆیا پۆلیتەکنیک یا گەرمیان (GPU)
8. زانکۆیا سۆران
9. زانکۆیا UTHM یا مالیزی
ئەڤ کۆنفرانسە دێ بیتە سەکۆیەکا زانستی یا مەزن بۆ ئاڵۆگۆڕکرنا بیرۆکە و ڤەکۆلینێن نوی ل سەر مفا وەرگرتنێ ژ زیرەکیا دەستکرد بۆ گەهشتن ب گەشەپێدانا بەردەوام د جیهانا بەر ب گەشەدا.