ڕۆژا سێشەمبێ ڕێکەفتی 30 حوزەیرانا 2026، ب ئامادەبوونا ڕێزدار (پ.د. محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی، و بەرێز (محمد خالد سمیر الجنابی) نوینەرێ ڕێکخراوا کارا یا ناڤدەولەتی (ILO)، و بەرێز ئەندازیار (جلال اکرم قاسم) سەرۆکێ لیژنا سەرپەرشتیا پڕۆژەیان سەر ب ئیدارا سەربەخۆیا زاخۆ ڤە، و بەرێز ئەندازیارێ شارستانی (حسن محمد حسن) سەرپەرشتێ پڕۆژەیێ سەر ب ڕێکخراوا چاندنا داران و ئەندامەک ژ دهۆکێ، ب شانازیڤە ڕادگەهینین کو زانکۆیا زاخۆ، ب هەماهەنگیا دناڤبەرا ئیدارا سەربەخۆیا زاخۆ و ڕێکخراوا کارا یا ناڤدەولەتی (ILO) و زانکۆیا زاخۆ، پڕۆژەیەکێ گرنگ یێ چاندنا داران ل کەمپا زانکۆیێ دەستپێدکەت. ئەڤ پڕۆژە د چارچۆڤێ پڕۆژەیێ "پڕۆژەیێ ئاسۆیان" (Prospects Project – Improving Prospects for Host Communities and Forcibly Displaced Persons) [1] و ب پشتەڤانیا پرۆگرامێ (Employment Intensive Investment Programme (EIIP)) [2] دهێتە ئەنجامدان.
ئەڤ پڕۆژەیێ ژینگەهپارێزیێ ب ئارمانجا جوانکرنا ژینگەها زانکۆیێ و زێدەکرنا کەسکاتیێ دهێتە ئەنجامدان، کو ب گشتی 16,350 (شازدە هزار و سێسەد و پێنجی) دارێن جۆراوجۆر، ژ وان دارێن زەیتوونێ، کاژ (زاویته) و فستەقا (حلبی) دێ هێنە چاندن.
ئەڤ پڕۆژە دێ دەرفەتێن کاری بۆ هژمارەیەکا زۆر ژ ئەندازیار و کرێکار و باخچەڤانێن د ناڤ زانکۆیێ دا پەیدا کەت، و هەروەسا دێ دەرفەتێن کاری بۆ پەنابەرێن سووری و ئاوارەیێن عێراقی ژی دابین کەت. ب ڤی ڕەنگی دێ ڕۆلەکێ گرنگ بینیت د پشتەڤانیکرنا ئابوورێ زانکۆیێ دا.
د ڕوونشتنەکێ دا کو د ڤان دوماهیان دا هاتە ئەنجامدان، بەحس ل دوماهیک ئینانا ڕێکخستن و ئامادەکاریێن دەستپێکرنا پڕۆژەیێ هاتە کرن. زانکۆیا زاخۆ هیڤیخوازە کو ئەڤ هەڤکاریە یا بەردەوام بیت و پڕۆژەیێن ژینگەهپارێزیێ یێن دی ژی ل دویڤ دا بهێن.