١ێ حوزەیرانا ٢٠٢٦
د. جاسم محمد عبدو، جێگرێ سەرۆکێ زانکۆیێ بۆ کاروبارێن زانستی و خواندنا بلند ل زانکۆیا زاخۆ، پشکداری د سەرەدانەکا فەرمی دا بۆ نڤێسینگەها نوینەرایەتیا حکومەتا هەرێما کوردستانێ (KRG) ل واشنتۆن، دی.سی. کر، وەک پشکەک ژ شاندەکێ ئەکادیمی کو نوینەرایەتیا زانکۆیا زاخۆ، زانکۆیا نەورۆز، و پەیمانگەها تەکنیکی یا مێرگەسۆر دکر، ب هەماهەنگی دگەل کۆنسۆڵخانەیا گشتییا ئەمریکا ل هەولێرێ.
سەرەدانێ گرنگی دا ب هێزکرنا هەڤکاریا ئەکادیمی و دامەزراوەیی د ناڤبەرا دامەزراوەیێن خواندنا بلند ل هەرێما کوردستانێ و هەڤتایێن وان ل ویلایەتێن ئێکگرتی. دانوستاندن ل سەر دەلیڤەیێن هاریکاریا ڤەکۆلینێ، گوهۆڕینا ئەکادیمی، و هەڤپشکیێن ناڤدەولەتی هاتنە کرن.
د. جاسم جەخت ل سەر پابەندبوونا زانکۆیا زاخۆ بۆ نایابیا ئەکادیمی و تێکهەلبوونا ناڤدەولەتی کر، و گرنگیا پێشڤەبرنا هاریکاریێن بەردەوام کو پشتەڤانیا خواندنا بلند و ڤەکۆلینا زانستی دکەن دیار کر.
ئەڤ سەرەدانە ڕەنگڤەدانا بزاڤێن بەردەوام یێن زانکۆیا زاخۆیە بۆ بەرفرەهکرنا هەڤپشکیێن خۆ یێن جیهانی و ب هێزکرنا هەبوونا خۆ یا ئەکادیمی یا ناڤدەولەتی.
ل دوماهیێ ڕێز و سوپاسیان ئاراستەیی تیمێ کۆنسۆلخانەیا ئەمریکی ل هەولێری دکەین، بۆ هاریکاری و ماندیبوونا وان