د چوارچۆڤێ پێشئێخستنا هەماهەنگییێن زانستی و ئەکادیمی یێن زانکۆیا زاخۆ دا لگەل زانکۆیێن هەرێمێ و دەولەتێن دەڤەرێ، شاندەکێ ئەکادیمی یێ زانکۆیا مە پشکداری د حەفتەمین کۆمبوونا لژنا بلندا ڕێکخستنا "کۆنفرانسێ نێڤدەولەتی یێ ئێکێ یێ ژیرییا دەستکرد د ئەندازیاری و زانستێن کرداری دا" (ICAIEAS2026) کر.
ئەڤ کۆنفرانسە، کو ب هەڤپشکی د ناڤبەرا زانکۆیێن (زاخۆ، ئاکرێ بۆ زانستێن کرداری، پۆلیتەکنیک یا دهۆک، سۆران، و شەرنەخ ) دهێتە سازکرن، وەک ئێک ژ گرنگترین ڕوودانێن زانستی یێن دەڤەرێ دهێتە هەژمارتن.
د ڤێ کۆمبوونێ دا، کو ل سەرۆکاتیا زانکۆیا پۆلیتەکنیکی یا دهۆک ب ئامادەبوونا "پ. د. ئـــاری عــادل" سەرۆکا زانکۆیێ، و ب پشکدارییا هاریکارێن سەرۆکا زانکۆیێ و شاندێن بلند یێن زانکۆیێن (زاخۆ، ئاکرێ، و سۆران) هاتە ئەنجامدان ، شاندێ زانکۆیا زاخۆ کۆ پێکدهات ژ بەرێزان (پ.هـ.د. فرست حیتو عبدالرحمن) راگرێ کولیژائەندازیاری و (د. محمد هیثم) ڕێڤەبەرێ گشتییێ سەنتەرێ IT ل سەروکاتیا زانکویا زاخو، پشکداربوون.
تەوەرێن کۆمبوونێ:
• دووپاتکرن لسەر ئامادەکاریێن تەکنیکی و زانستی یێن کۆنفرانسی هاتە کرن، و دەستنیشانکرنا پێدویستیێن لۆجستی.
• دوپاتکرن ل سەرپەیوەندیێ دگەل زانکۆیێن بیانی بۆ پشکدارکرنا ڤەکۆلەرێن نێڤدەولەتی یێ ڤەکۆلینان و چاوانیا هەلسەنگاندنا وان ژ لایێ لژنەیێن تایبەتمەند ڤە.
•ئارمانجا زانکۆیا زاخۆ:
پشکداریا زانکۆیا زاخۆ د ئەڤی کۆنفرانسی دا، نیشانا پێگیریا مەیا بەردەوامە ب پشتەڤانیکردنا ڤەکۆلینێن زانستی یێن سەردەم، ب تایبەت د بیاڤێ ژیرییا دەستکرد (AI) دا، کو ئەڤرۆ وەک مۆتۆڕێ گەشەپێدانا ئەندازیاری و زانستێن کرداری ل جیهانێ دهێتە نیاسین.
ل دوماهیێ، ئامادەبوویان جەخت ل سەر رێکخستنا شیانان کر ب مەرەما سەرئێخستنا ڤێ چالاکیا ئەکادیمی و پێشکێشکرنا نویترین ڤەکۆلینان کو خزمەتا پێشکەفتنا زانستی ل دەڤەرێ بکەن.