د چارچۆڤێ کارێن خێرخوازی و هەڤکارییا جڤاکیدا، و ب هەلکەفتا هاتنا هەیڤا ڕەمەزانا پیرۆز، ئەڤڕۆ ڕۆژا دووشەمبێ، ڕێککەفتی (٢٠٢٦/٢/٢٣)، ل بن چاڤدێری و ئامادەبوونا ڕێزدار (پ.د. دیار عبدالکریم سعید)، سەرۆکێ زانکۆیا زاخۆ و لگەلدا هاریکارێن سەرۆکێ زانکۆیێ، پڕۆژەیەکێ بەلاڤکرنا هاریکارییان بۆ قوتابیێن پشکێن ناڤخۆیی هاتە ئەنجامدان.

خالێن گرنگ یێن ڤێ چالاکیێ:
ئەڤ چاڵاکیە ژلایێ: گڕوپێ جیهان/ پشکا کەرەستێن خوارنێ و نەخوارنێ یا خودانێ وێ حەجی (صباح یحیی سعید).
قەبارێ ئەڤێ هاریکاریێ: پتر ژ (٥٠٠) سەبەتێن خوارنا هشک.
کەسێن مفادار: قوتابیێن پشکێن ناڤخۆیی یێن زانکۆیا زاخۆ.
پێشوازیا سەرۆکاتیا زانکۆیێ:
د ڕێورەسمەکێ دا، سەرۆکێ زانکۆیێ دەستخۆشی ل ڤێ پێنگاڤا مرۆڤی یا گڕوپێ جیهان کر و ڕاگەهاند کو ئەڤ جۆرە هەڤکارییە نیشانا هەستێ بەرپرسایەتیێ یە بەرامبەر چینا قوتابیان، ب تایبەت د وەرزێن ئایینی یێن پیرۆز دا.
ژ لایێ خۆ ڤە، قوتابیێن پشکێن ناڤخۆیی دلخۆشیا خۆ ب ڤێ دەسپێشخەریێ دیار کر و سوپاسییا گڕوپێ جیهان کر بۆ وێ خەمخۆرییا بەردەوام کو د خزمەتا خەلکێ دا.