سەرۆکاتیا زانکۆیا زاخۆ ڕێز و سوپاسی پێشکێشی گروپەکێ قوتابیێن خۆبەخش دکەت
ڕۆژا پێنجشەمبێ، ڕێـککەڤتی (١٢ـی شوباتا ٢٠٢٦)، ڕێزدار (پ.د. محمد حسن خمو)، هاریکارێ سەرۆکێ زانکۆیێ بۆ کاروبارێن کارگێری و دارایی، پێشوازی ل هژمارەکا قوتابیێن خۆبەخش یێن زانکۆیێ کر، ب مەرەما دەربڕینا ڕێز و پێزانینان بۆ کار و چالاکییێن وان.
د ڕێورەسمەکێ دا، هاریکارێ سەرۆکێ زانکۆیێ دەستخۆشی ل هەول و ماندیبوونا ڤان قوتابیان کر و ڕێز و سوپاسیێن سەرۆکاتیا زانکۆیێ پێشکێشی وان کرن. ئەڤ ڕێزلێنانە وەک وەفاداریەک هات بۆ وێ خەمخۆری و ڕۆڵێ کاریگەر یێ قوتابیان وەک خۆبەخش د سەرکەفتنا:
"کەمپینا کۆمکرنا دەنگان بۆ پشتەڤانیا جەماوەرێ یانا زاخۆ یا وەرزشی ل ناڤ کەمپێ زانکۆیێ"
بەڕێز هاریکارێ سەرۆکێ زانکۆیێ ئاماژە ب وێ چەندێ کر، کو زانکۆ شانازیێ ب هەبوونا قوتابیێن خودان خودان ئیرادە و هەستێ نەتەوەیی و وەرزشی دکەت، و پشتەڤانیکردنا یانا باژێرێ زاخۆ ئەرکەکێ هەرەکی یێ هەمی لایەکی بوو. ل دوماهیێ، هیڤیا سەرکەفتن و بەردەوامیێ بۆ قوتابیان خواست د ژیانا وان یا زانستی و جڤاکی دا.