بابەت: ستراتیژیێن کاری و نڤێسینا ژیاننامەیێ (CV)
ڕێــککەفت : ٥ی شوباتا ٢٠٢٦.
جهـ: کۆلیژا کارگێری و ئابووری، زانکۆیا زاخۆ.
ڕێكخەر: سەنتەرێ پەرەپێدانا کاری (CDC).

کورتیا سیمینارێ:
د چوارچۆڤێ چالاکییێن زانستی و ڕاهێنانکرنێ دا، سەنتەرێ پەرەپێدانا کاری (CDC) ل زانکۆیا زاخۆ سمینارەکا پیشەیی بۆ قوتابییێن کۆلیژێن (پەروەردە) و (کارگێری و ئابووری) رێکخست. ئارمانجا ڤێ سیمینارێ بلندکرنا ئاستێ شارەزاییێ بوو د ناڤ قوتابیان دا بۆ چوونێ دناڤ بازاڕێ کاری دا.

تەوەرێن سەرەکی یێن سمینارێ
سمینار ژ دو پشکێن سەرەکی پێکهاتبوو:
١. ستراتیژیێن لێگەرینا کاری:
د پشکا ئێکێ دا، م. هێمن شەمس الدین عەلی ب هویری بەحس ل ڕێکێن نوی و ستراتیژیێن کاریگەر کر بۆ دیتنا دەلیڤەیێن کاری د بازاڕێ ناڤخۆ و ناڤدەولەتی دا، ل گەل روهنکرنا چەوانیا پێشکێشکرنا داخوازیان ب شێوازەکێ پرۆفیشناڵ.
٢. هونەرێ نڤێسینا ژیاننامەیێ (CV):
د پشکا دوێ دا، م. لاوەند اکرام محمد بابەتێ "تەکنیکێن دارێژتنا CV" پێشکێشکر. ڕۆناهی ئێخستە سەر:
* جورێن جیاواز یێن ژیاننامەیێ و هەلبژارتنا جورێ گونجای.
* ڕێکێن زانستی بۆ ڕێکخستنا پێزانینێن کەسی و ئەکادیمی.
* دەستنیشانکرنا شاشیێن بەربەلاڤ د نڤێسینا CV دا و چەوانیا دویرکەفتن ژ وان.

ئەنجام و دەستکەفت:
سمینار ب گەنگەشەیەکا زانستی د ناڤبەرا مامۆستا و قوتابیان دا ب دوماهی هات. ئامادەبوویان مفایەکێ زۆر ژ زانیاریێن پێشکێشکری وەرگرت، ب تایبەت د بوارێ بەرهەڤکرنا وان بۆ ژیانا پشتی زانکۆیێ و ب هێزکرنا شیانێن وان یێن نڤێسینا ژیاننامەیێ.