ل زانکۆیا زاخۆ سەمپۆزیۆمەکا زانستی هاتە پێشکێشکرن
ڕۆژا پێنجشەمبێ ڕێـککــەڤتی (٢٠٢٥/١/٥) ب ئامادەبوونا ڕێزداران (پ.هـ.د. جاسم محمد عبدو) هاریکارێ سەرۆکێ زانکۆیێ بۆ کاروبارێن زانستی و خواندنا بلند و (پ.هـ.د. فرست حیتو عبدالرحمن) ڕاگرێ کۆلیژا ئەندازیاری و لگەلدا مامۆستایێن زانکۆیێ و ئەندامێن کومەلەیا زانستی یا جیوتەکنیکا عێراقی و پشکێن ئەندازیاریا شارستانی و بیناسازی و پڕۆژەیان ل زانکۆیا بەغدا، سەمپۆزیۆمەکا زانستی ژلایێ کومەلەیا زانستی یا جیوتەکنیکا عێراقی ب هەماهەنگی لگەل کۆلیژا ئەندازیاری ل زانکۆیا زاخۆ و پشکێن ئەندازیاریا شارستانی و بیناسازی و پڕۆژەیان ل زانکۆیا بەغدا لژێر ناڤونیشانێ (کێشەیێن جیوتەکنیکی بو خزمەت گوزاری و چارەسەریێن گەشەپێدانا ژێر خانی) هاتە پێشکێشکرن.
ئارمانج ژ ئەڤێ سەمپۆزیۆما زانستی دیڤچوونە بۆ وان ئاستەنگان، ئەوێن کۆ ڕوی ب ڕوی پروژەیێن ژێرخانی ل باژێرێن جودا یێن عێراقێ و کوردستانێ دبن و ڤەکۆلینێ ل تایبەتمەندیێن جیوتەکنیکی و چارەسەریێن زانستی و ئەکادیمی بۆ دهێنە ڤەدیتن، ئەوژی ب ڕێکا سێ سیمینارێن زانستی ب درێژی هاتنە بەحسکرن و شرۆڤەکرن.
هەژیە بێژین؛ هەر ئەڤرۆ ڕێـککـەفتننامەکا لێکتێگەهشتنێ دناڤبەرا زانکۆیا زاخۆ و کۆمەڵا زانستی یا جیوتەکنیکا عێراقی، ئەڤ ڕێـککـەفتننامە دێ بیتە دەستپێکەک بۆ پێکڤە کارکرنێ د بوارێن جودا جودا یێن زانستی.