زانکۆیا زاخۆ لژێر درووشمێ: "ژ پەرتووکخانێن ستافێ زانکۆیێ بۆ پەرتووکخانا گشتییا باژێرێ چەمچەمالێ" چاڵاکیەکا بەخشینا پەرتووکان ڕێکئێخست
ڕۆژا دووشەمبێ ڕێـککــەڤتی (٢٠٢٥/١٢/١٩) ب ئامادەبوونا ڕێز (پ.د. دیار عبدالکریم سعید) سەرۆکێ زانکۆیێ و لگەلدا هاریکارێن سەرۆکێ زانکۆیێ و ستافێ زانکۆیێ ژ مامۆستا و فەرمانبەران، زانکۆیا زاخۆ لژێر درووشمێ "ژ پەرتووکخانێن ستافێ زانکۆیێ بۆ پەرتووکخانا گشتییا باژێرێ چەمچەمالێ" چاڵاکیەکا بەخشینا پەرتووکان ل سەرۆکاتیا زانکۆیێ ڕێکخست.
وەکو ئاشکرا؛ کارەساتا ڤێ دوماهیێ یا لافاوان ل هەرێما مە دلێ هەمی وەلاتیان ئێشاند، ب تایبەتی ئەو زیانێن مەزن یێن گەهشتینە باژێرێ چەمچەمالێ، کۆ پەرتووکخانا وان یا گشتی و ناڤەندا وان یا زانین، ڕەوشەنبیری، هزری ژناڤچووی. زانکۆیا زاخۆ ژبەر هەستکرن ب بەرپرسیارەتیێ و رێزگرتن ل هێزا زانست و زانینێ، ب شانازی ڤە ئەڤ ئەرکێ پیرۆز یێ دوبارە ئاڤەدانکرنا ڤێ پەرتووکخانێ ب ستۆیێ خۆ ڤە گرت و ئەم هەمی شیان و هاریکاریا خۆ بکاردئینین بۆ ئەڤێ کەمپینا مەزن یا کۆمکرنا پەرتووکان.
ئەڤ پەرتووکێن دهێنە کۆمکرن ب تنێ جهێ ئەوێن ژ ژناڤچووین ناگرن؛ بەلکو دێ بنە نیشانا پابەندبوونا نیشتمانی ب خواندەڤانی و ڤەژاندنێ، و دێ بنە بنیاتەکێ نوی بۆ پەرتووکخانا گشتی یا چەمچەمال.
زانکۆیا زاخۆ سوپاسی و پێزانینێن خۆ یێن بێ سنۆر ئاراستەی ستافێ خۆ یێ دلسۆز دکەت—کو بڕبڕا پشتا ڤێ دەستپێشخەریێ نە. ئەو پەرتووکێن وان ب دلسۆزی ڕاکرین هەوە ئیناین بۆ ڤێ چاڵاکیێ و کۆمکرین، ئەڤ چەندە کارەکێ مرۆڤایەتی یێ مەزنە. هەوە سەلماند کو دەمێ کارەسات روویددەن، پیڤەرێ راستەقینە یێ جڤاکێ ئەو لەزاتی و بەخشندەییا خەلکێ یە کۆ پێ ڕادبن بۆ ئاڤەدانکرنێ.
بۆ زانین: ئەڤ چاڵاکیە هەتا ڕۆژا پێنجشەمبێ ڕێـککــەڤتی (٢٠٢٥/١٢/١٨) دێ یا بەردەوام بیت.