لسەر داخوازا زانکۆیا شرنەخ شاندێ کۆلیژا ئەندازیاری کۆ پێکهاتبوون ژ ڕێزدار (پ.ھ.د. فرست حیتو عبدالرحمن) ڕاگرێ کۆلێژا ئەندازیاری، ڕێزدار (پ.د. لقمان عزیز عبدالکریم) سەڕۆکێ لیژنا زانستی ل پشکا پتڕۆلێ، ڕێزدار (پ.ھ.د. شێروان محمد سمو) سەڕۆکێ پشکا پترۆلێ، بۆ ماوەیێ دوو ڕۆژان کۆ ڕێکەفتی (١٠-١١ی تیرمەها ٢٠٢٥)، ب مەرەما هەڤکاری د ڤەکرنا بەشێ ئەندازیاریا پترۆل و گازا سروشتی دا دناڤا سیستەمێ خواندنێ ل زانکۆیا شرنەخ دا سەرەدانا زانکۆیا ناڤبری ل وەلاتێ تورکیا کرن و ژلایێ ڕێزدار (پ.د. عبدالرحیم ئەلکیش) سەڕۆکێ زانکۆیا شرنەخ و ڕێزدار (پ.د. مستەفا ئەیوبۆغڵو) ھاریکارێ سەڕۆکێ زانکۆیێ بۆ کاروبارێن زانستی و خواندنا بلند و ستافێ کۆلێژا ئەندازیاری و ئامادەبوونا ستافێ کۆمپانیا TPAO یا نەفتێ ل تورکیا پێشوازی لێ هاتە کرن.
ژ هەژی گوتنێ یە؛ ڕێزداران بەحسێ پێکهاتە و سیستەمێ خواندنێ د ناڤا کەمپەسا زانکۆیا زاخۆ و کۆلێژا ئەندازیاری دا کر و گفتوگۆ لسەر بابەتێن خواندنێ و پلانێن زانستی بۆ پێشڤەبرنا بۆارێ ئەندازیاریا پتڕۆلێ و بەردەوامیا هەماهەنگیێ دناڤبەرا هەردوو زانکۆیاندا هاتەکرن.