ڕۆژا دووشەمبی ڕێــککــەڤتی ٥ــی گۆلانا ٢٠٢٥ ب چاڤدێرییا سەرۆکێ زانکۆیا زاخۆ ڕێزدار (پ.د. دیار عبدالکریم سعید) و ب سەرپەرشتیا ڕاگرێ کۆلێژا ئەندازیاری ڕێزدار (پ.ھ.د فرست حیتو عبدالرحمن) و ب ئامادەبوونا ئەندازیار (هێژا محمد توفیق) جێگرێ سەرپەرشتێ ئیدارا سەربەخۆ یا زاخۆ و جڤاتا زانکۆیا زاخۆ و هژمارەکا زۆر یا دامودەزگەھێن حکومی، قوتابی، مامۆستا و کۆمپانیێن کەرتێ تایبەت "ڕۆژا دیزاینا ئەندازیاری یا دویێ" ژ لایێ کۆلیژا ئەندازیاری ڤە هاتە ئەنجامدان. د ئەڤێ ڕۆژێ دا کۆلیژا ناڤبری پوستەر و پرۆژەیێن قوتابیێن کۆلیژێ نیشاندان و هەڵسەنگاندن بۆ کرن.
هەژی گوتنێ یە؛ د چالاکییێدا ب ڕێکخستنا دەستەیەکا دەرەکی ژ کەسانێن پسپۆر هەڵسەنگاندن بۆ کار و پرۆژەیێن قوتابیێن قۆناغا چوارێ هاتنە کرن و پڕۆژەیێ پلا ئێکێ ژ هەر ئێك ژ پشکا ئەندازیاری پترۆل و میکانیکێ ژلایێ دەستەیا هەڵسەنگاندنێ ڤە هاتە هەلبژارتن.
ل دوماھیێ باوەرناما پشکداریێ و سەرکەفتیێ ئێکێ پێشکێشی قوتابیان ژ قۆناغا چوارێ هاتە کرن.
داخازا سەرکەفتنێ بۆ قوتابیێن خودان هزر و پڕۆژە دخوازین و ب دانەرێن پاشە ڕۆژێ قەلەم ددەین. ھیڤیدارین ل ئایندەیەک نێزیک پرۆژێن وان ب پراکتیک بکەڤنە د خزمەت کومەلگەھ و وەلاتێ مەدا.