ڕۆژا سێشەمبی ڕێــککــەفتی (٢٠٢٥/٢/١١) ب سەرپەرشتیا ڕێزدار (پ.هـ.د. محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی، خۆلەک بۆ فەرمانبەرێن زانکۆیا زاخۆ ئەوێن نویی هاتینە وەرگرتن ب شێوەیێ گرێبەست دەستپێکر.
ئەڤ خۆلە ب مەرەما بلندکرنا ئاستێ شیان و شارەزایێن کارکرنێ لدەف فەرمانبەران و خۆ گونجاندن لگەل گوڕانکاریێن بلەز یێن سەردەمێ ئەڤرۆ تێدا دەرباز دبیت و زێدەتر کارکرنا ب شێوەیێ دیجیتاڵی، هەروەسا چاوانیا پێشوازی و سەرەدەریەکا ڕێکوپێک لگەل ئەوان کەسێن سەرەدانا فەرمانگەهێن حکومی و ب تایبەت زانکۆیێ دکەن و ئەمانەت پارێزی و ئاشکرایی د کارکرنێ دا و فێربوونا کارێ بکوم بۆ هندێ هەمی پێکڤە ببنە تەمامکەرێن کارێن ئێک.
هەژیە بێژین؛ خۆل بۆ دەمێ سێ ڕۆژان ژلایێ بەرێز (پ.هـ.د. نزار محمد علی) مامۆستا ل کۆلیژا کارگێری و ئابووری - زانکۆیا زاخۆ، دێ یا بەردەوام بیت و ل دوماهیێ باوەرنامەیا پشکداریێ دێ ل سەر پشکداران هێتە بەڵاڤکرن.