ڕۆژا پێنجشەمبی ڕێـککــەفتی (٢٠٢٥/١/١٦) سەرۆکێ زانکۆیا زاخۆ ڕێزدار (پ.د. ناظم سليمان عبدالعزيز) پێشوازی ل بەرێز (پ.هـ.د. یەمان سامى شەریف) هاریکارێ سەر‌ۆکا زانکۆیا پۆلیتەکنیک دهۆک بۆ کاروبارێن زانستى و خواندنا بلند و شاندێ لگەلدا کر.
د ڕوینشتنەکێدا؛ ب ئامادەبوونا بەڕێزان (پ.هـ.د. جاسم محمد عبدو) هاریکارێ سەرۆکێ زانکۆیێ بۆ کاروبارێن زانستی و خواندنا بلند و (پ.هـ.د. دیندار شمس الدین بری) ڕێڤەبەرێ گشتیێ سەنتەرێن ڤەکۆلینێن زانستی و (پ.هـ.د. فرست حیتو عبدالرحمن) ڕاگرێ کۆلیژا ئەندازیاری و (د. دیار احمد بلیج) ڕاگرا کۆلیژا زانست، دانوستاندن ل سەر چەندین بابەتێن گرنگ و پێکڤە کارکرنا هەردۆک ئالیان ژلایێ زانستی ڤە هاتە کرن، هەروەسا بابەتێ سەرەکییێ ئەڤێ کومبوونێ بەحسێ ئامادەکاری و دوماهیک پێشهاتێن "پێنجەمین کۆنفرانسێ نیڤدەولەتی یێ زانست و ئەندازیاریی یێن پێشکەفتی (ICOASE2025)" بوو.
هەژیە بێژین؛ زانکۆیا زاخۆ ب هەماهەنگی لگەل زانکۆیا پۆلیتەکنیکی یا دهۆکێ دێ ڕابن ب گێرانا "پێنجەمین کۆنفرانسێ نیڤدەولەتی یێ زانست و ئەندازیاریی یێن پێشکەفتی (ICOASE2025)" ل ڕۆژانێن چوارشەمبی و پێنجشەمبی ڕێکەفتی (۱۷-۱۸)ـی حزەیرانا ٢٠٢٥، ڕۆژا دەستپێکێ دێ ل هۆلا کوردستان یا زانکۆیا پۆلیتەکنیکی دهۆک و ڕۆژا دویێ ل هۆلا کۆنفرانسا یا کۆلیژا زانست ل زانکۆیا زاخۆ بیت.