ڕۆژا دووشەمبی ڕێککەفتی (٢٠٢٤/١٢/٢) ب ئامادەبوونا بەرێزان (د. ئامانج عبداللە سعید) ڕاوێژکارێ وەزیرێ خواندنا بلند و ڤەکۆلینێن زانستی و (د. ابراهیم رشید) رێڤه‌به‌رێ خواندنا تایبه‌ت ل وه‌زاره‌تا خواندنا بلند و (پ.هـ.د. جاسم محمد عبدو) هاریکارێ سەرۆکێ زانکویێ بۆ کاروبارێن زانستی و خواندنا بلند و (د. دلدار حیدر احمد) ڕاگرێ كۆلیژا كارگێرى وئابووری و (م. سەگڤان ابراهیم محو) ڕێڤەبەرێ دڵنیا جۆری و سەرپەرشتیارێ پەروەردەی و (م. مهدی صالح یعقوب) به‌رپرسێ ڕاهێنان وپه‌ره‌پێدانا په‌روه‌رده‌یى ڕێوڕەسمێن بدوماهیک هاتنە
ا ڕاوەندێ (١٠)ـێ بڕێڤەچوون.
د ئەڤان ڕێوڕەسماندا چەند پەیڤ هاتنە خواندن.
(م. شلێر مصطفی محمد) ڕێڤه‌به‌را سەنتەرێ ڕاهێنانا پێداگۆجی و په‌ره‌پێدانا ئه‌كادیمى، پەیڤا بخێرهاتنێ خواند و چەند ڕونکرنەک دانە سەر چاوانیا بڕێڤەچوونا خۆلێن پێداگۆجی و هژمارەیا خۆل و پشکداربوویان. پاشان جه‌خت ل سه‌ر گرنگیا هه‌ماهه‌نگیێ دناڤبه‌را سەنتەرێ پێداگۆجی و کەرتێ پەروەردەیی کر.
هەژی گۆتنێ یە؛ سەنتەرێ پێداگۆجی هه‌ر بۆ ڤێ مه‌ره‌مێ ده‌رفه‌ت دایه، بۆ هه‌ر خۆله‌كا نوى (٥) مامۆستایێن ڕاهێنه‌ر ژ ڕێڤه‌به‌ریا پەروەردێ پشکداری خۆلا پێداگوجیێ ببن.
پەیڤەک ژلایێ بەرێز (د. ئامانج عبداللە سعید) ڕاوێژکارێ وەزیرێ خواندنا بلند و ڤەکۆلینێن زانستی هاته پێشکێشکرن و خۆشحالییا خۆ سەبارەت سەنتەرێ پێداگۆجی و کار و چالاکیێن وان دەربڕی و باس ل چەند مژارێن گرنگ دەربارەی پێداگۆجیێ کرن و هەمی پالپشتیا خۆ ژی دا دیارکرن. پاشان بەڕێز (پ.هـ.د. جاسم محمد عبدو) پەیڤەک پێشکێشکر و باس ل چەند تەوەرێن گرێدایی خۆلێ ب شێوەیەکێ گشتگیر کرن.
ب ئەڤێ هەلکەفتێ، ڕێڤەبەرێ پێشتر یێ سەنتەرێ پێداگۆجی و مامۆستایێ ڕاهێنەر (پ.د. ستار جبار حاجی) باس ل چەندین مژارێن دی و گرنگییا پێداگۆجی د پەروەردە و فێرکرنێدا کر. ژلایەکێ دیڤە (م. سەگڤان ابراهیم محو) ڕێڤەبەرێ دلنیای جۆری و سەرپەرشتیارێ پەروەردەی، پەیڤەک پێشکێشکر و خۆشحالییا خۆ دەربڕی کۆ کەرتێ پەروەردەیی و سەنتەرێ پێداگۆجی، هەماهەنگییەکا باش لگەل ئێک هەیە و هەردۆ ئالی هەڤکار و هەماهەنگن، بۆ باشترکرنا پڕۆسا پەروەردە و فێرکرنێ.
پاشان سمینارەک ژلایێ دو پشکداران دەربارەی خۆلا پێداگۆجی هاتنە پێشکێشکرن و دیبەیتەک ژلایێ شەش پشکدارێن دی یێن خۆلێ ب ناڤونیشانێ (پێداگۆجی د دیتن و هەڵسەنگاندنێن بەشداربوویاندا)، هاتە پێشکێشکرن، کۆ هەر ئێک ژ ئەوان ژ گۆشەنیگایەکێڤە بیروبوچوون و تێبینێن خۆ دەربارەی خۆلێ دیارکرن.
ل دووماهیکێ باوەرنامەیێن ڕەوەندێ (۱۰)ـێ ل سەر پشکداربوویێن خۆلێ هاتنە دابەشکرن.