زانکۆیا ئەمریکی کوردستان - دهۆک ب ڕێکا سەنتەرێ (Capa) ب هەماهەنگی لگەل وەزارەتا ژدەرڤەیا ئەمریکا ل هەولێرێ، ڕابوون ب ئامادەکرنا پرۆگرامەکێ بناڤێ (ژنێن سەرکردە She Leads) بۆ ئافرەتێن کورد ل پارێزگەها دهۆکێ و ئیدارا سەربەخۆیا زاخۆ، ب خۆشحالیڤە ژ زانکۆیا زاخۆ هژمارەکا زۆر مامۆستایێن سەرکەفتی، پشتی هەڤدیتن لگەل هاتیە کرن، ئەو هاتنە ژێگرتن و پشکداری ئەڤی پرۆگرامی بوون.
پشتی چەند هەیڤان ژ وەرگرتنا وانەیێن تایبەت ب بیاڤێ "ژنێن سەرکردە" و ڕاهێنان و چاڵاکیێن جورا و جور ل جهێن جودا جودا یێن هەرێما کوردستانێ، پرۆگرام ب سەرکەفتیانە و دەستکەفتەکێ باش بۆ زانکۆیا زاخۆ ب دوماهیک هات.
هەژیە بێژین؛ چیرۆکێن چوار پشکدارێن زانکۆیا زاخۆ هاتنە ژێگرتن و بەلاڤکرن د پەرتووکا (Untold Story) دا، دبیتە ئێک ژ پەرتووکێن بناڤودەنگ ل سەر ئاستێ جیهانێ، کۆ یا تایبەتە ب ژنێن سەرکردە و چیرۆکێن گاریگەر یێن جڤاکی.
ناڤێن وان پشکدارێن چیرۆکا وان هاتیە ژێگرتن و بەڵاڤکرن د پەرتووکێ دا.
١- د. دلین ادیب میرو
٢- د. جیهان حسین
٣- م. مەیاڤ مەردان
٤- م. کاهین ماجد
د ڕێورەسمێن دوماهیک هاتنا پرۆگڕامی دا (د. دلین ادیب میرو) وەکو ئاخفتنکەر پێش ژنێن ئیدارا سەربەخۆیا زاخۆ، هاتە ژێگرتن و پەیڤەک ژلایێ وێڤە هاتە خواندن.

• مامۆستا و فەرمانبەرێن زانکۆیا زاخۆ یێن پشکدار:
  د. دلین ادیب میرو: مامۆستایا زانکۆیێ.
  د. جیهان حسین: مامۆستایا زانکۆیێ.
  د. سیڤەر دلخاز: مامۆستایا زانکۆیێ.
  شلێر مصطفی: ڕێڤەبەرا سەنتەرێ پێداگۆجی.
  کاهین ماجد: مامۆستایا زانکۆیێ.
  دیمەن زهێر: مامۆستایا زانکۆیێ.
  مەیاڤ مەردان: قوتابیا ماستەرێ.
  ئیمان محمد: قوتابیا ماستەرێ.
  ژیان شریف: فەرمانبەر.
  بناڤێ زانکۆیا زاخۆ دەستخۆشی و پرۆزباهیان ل مامۆستایێن زانکۆیا خۆ دکەین، هیڤیا بەردەوامی و سەرکەفتنێ بۆ وان دخازین.