ڕۆژا پێنجشەمبی ڕێــککـــەفتی (۱۰-١٠-٢٠٢٤) سەرۆکێ زانکۆیا زاخۆ بەرێز (پ.د. ناظم سليمان عبدالعزيز) و لگەلدا بەرێزان هاریکارێن سەرۆکێ زانکۆیێ و جڤاتا زانکۆیێ، ل ئاڤاهیێ سەرۆکاتیا زانکۆیێ پێشوازی ل بەرێز (فارس عیسی) نوینەرێ حکومەتا هەرێما کوردستانێ ل بەغدا کرن.
هەژیە بێژین؛ ئەڤە دبیت سەرەدانا دویێ یا نوینەرێ حکومەتا هەرێمێ بۆ زانکۆیا زاخۆ، د سەرەدانا ئێکێ دا ب شێوەیەکێ گشتی دانوستاندن ل سەر چەند بابەتێن گرنگ یێن گرێدایی ڕەوشا خواندنێ ل زانکۆیێ و ب تایبەت بیاڤێ زانستی و خواندنا بلند و ئەو هەماهەنگیا دناڤبەرا زانکۆیێن هەرێم و عێراقێ دا هاتنە کرن، سەرەدانا ئەڤرۆ ب مەبەستا پێشکێشکرنا چەند پەرتووکان بۆ پەرتووکخانەیێن زانکۆیا زاخۆ، هەروەسا ب هەوڵ و ماندیبوونا بەرێزی ئەو شیایە هندەک هاریکاریێن ماددی بۆ قوتابیێن کێم دەرامەت یێن زانکۆیێ ژ حکومەتا فیدرال وەرگریت و پێشکێشی قوتابیێن پێدڤی بکەت، ژلایێ خۆ ڤە زانکۆیا زاخۆ ڕێز و سوپاسی بۆ سەرەدان و هاریکاری و پشتەڤانیا وی بۆ زانکۆیێ پێشکێشی جەنابێ وی کر.