ڕۆژا چارشەمبی ڕێککەفتی ٩ی جوتمەها ٢٠٢٤، ب چاڤدێریا ڕێزدار (پ.ھ.د فرست حیتو عبدالرحمن) ڕاگرێ کۆلێژا ئەندازیاری و ب سەرپەرشتیا خانم (د. سیڤەر دلخاز صلاح الدين) شیرەتکارا (ACI) چاپتەرێ قوتابیان، ئاهەنگا ئێکەمین ساڵڤەگەرا دامەزراندنا چاپتەرێ قوتابیان یێ پەیمانگەها کۆنکریتی یا ئەمریکی ل کۆلیژا ئەندازیاری ب ئامادەبوونا کۆمەکا مێڤانێن قەدر گران هاتە ئەنجامدان، د ئەڤێ ئاهەنگێ دا باوەرناما سوپاسیێ پێشکێشی سەرپەرشت و ئەندامێن سەرەکی یێن چاپتەرێ ناڤبری هاتە کرن، ژبۆ گرنگ نرخاندنا ڕۆڵێ وان یێ بەرچاڤ د پێنگاڤێن دەستپێکێ و پشێخستنا چاپتەرێ ناڤبری دا.
هەر د ڤێ هەلکەفتێ دا ئەندازیار (هێژا محمد توفیق) جێگرێ سەرپەرشتێ ئیدارا سەربەخۆیا زاخۆ؛ سمینارەك ل دۆر کار و چاڵاکی و خزمەتگوزاریێن نها و دڕێ دا ژ لایێ ئیدارا سەربەخۆیا زاخۆ کر.
هەروەسا د بڕگا دوماهیێ دا، ڕاگرێ کۆلێژا ئەندازیاری خەلاتێ ڕێز و سوپاسیێ پێشکێشی دو ماموستایێن خانەنشینێن کۆلیژا ئەندازیاری ب نە ئامادەبوونا وان هاتە کرن ئەوژی ڕێزدار (پ.ھ.د رمضان حاجی سلیمان) ماموستایێ پشکا ئەندازیاریا پترۆلێ و ڕێزدار (م. هشیار عبدالغفار) ماموستایێ پشکا ئەندازیاریا شارستانی-ژینگەھ، و هیڤیا سەرکەفتنێ بۆ کاروانێ ژیانا وان خواستن.