ڕۆژا سێشەمبی ڕێــککــەڤتی ٩-٧-٢٠٢٤ ب سەرپەرشتیا وەزیرێ خواندنا بلند و ڤەکۆلینێن زانستی بەرێز (د. ئارام محەمەد قادر) و ب ئامادەبوونا بریکارێ وەزارەتێ و شیرەتکار و سەرۆکێن زانکۆیان، کۆمبوونا ئاساییا ئەنجومەنێ وەزارەتا خواندنا بلند و ڤەکۆلینێن زانستى ل زانکۆیا سۆران بڕێڤەچوو و تێدا چەندین بریارێن گرنگ هاتنە دان.
د کۆمبوونێدا هەمی زانکۆ هاتنە ڕاسپاردن کۆ وەکی ساڵێن بووری ئامادەکاریێن خۆ بکەن، بۆ هندێ زورترین دەرفەتان بۆ قوتابیێن پۆلا (١٢)ـێ ل زانکۆیێن حکومی بەردەست بکەن، هەروەسا داشکاندنێ د کریا خواندنا پاڕالێل و ئێڤاران دا ئەنجام بدەن، ل سەر پێشنیارا وەزیرێ خواندنا بلند ئەنجومەنێ وەزارەتێ بریاردا، بۆ وەرگرتنا پشکێن ناڤخۆیی زانکۆ چ کوژمەکێ پارەی ژ قوتابیان نەهێتە وەرگرتن.
سەبارەت ڤەکرنا ڕاوەندەکێ نوی یێ خواندنێ وەزیرێ خواندنا بلند گوت: ئەو زانکۆیێن هەتا نوکە پلانا خواندنێ بۆ وەزارەتێ ڤڕێنەکرین پێدڤیە ب زویترین دەم پلانا خۆ ڤڕێکەن، بۆ تەمامکرنا ئامادەکارییان و ڤەکرنا ڕاوەندەکێ نوی یێ خواندنا بلند ل زانکۆیێن هەرێما کوردستانێ.