سه‌نته‌رێ پێداگوجى یێ زانكۆیا زاخۆ پشكدارى د سمیناره‌كا ده‌زگه‌هه‌كێ جیهانیدا كر

Friday, 25 September 2020

ل ڕۆژا پێنجشه‌مبێ ڕێكه‌فتى (24/09/2020) لده‌مژمێر (03:00) ى پشتى نیڤرو، ڕێڤه‌به‌رێ سه‌نته‌رێ پێداگۆجى یێ زانكۆیا زاخۆ به‌رێز پرۆفیسورێ هاریكار دكتۆر( ستار جبار حاجی) ب شێوێ ئۆنلاین به‌شداربوو د سمینارا هاتییه‌ رێكخستن ژ لایێ ده‌زگه‌هێ دیداك یێ جیهانى (World didac Association) كۆ ده‌زگه‌هه‌كێ جیهانى یێ تایبه‌ته‌ د بوارێ فێركرنێ دا، به‌رده‌وام رادبیت ب مێهفانكرنا چه‌ندین كه‌سانیت پسپۆر دبوارێ فێركرنێ دا ل سه‌رانسه‌رى جیهانێ، سمێنارا لژێر ناڤونیشانێن "Phenomenal Teacher Education from Finland Confirmation"  كۆ یا تایبه‌ت بۆ لدۆر كورسێن به‌رهه‌ڤكرنا مامۆستایان، و زانینا نویترین بوارێن فێركرنێ ل وه‌لاتێ فینلند وه‌كۆ پێشكه‌فتیترین وه‌لات د بوارێ فێركرن و پێگه‌هاندنا مامۆستایاندا، كۆ ساڵانه‌ چه‌ندین وه‌لات مامۆستایێن خۆه‌ فرێدكه‌نه‌ وى وه‌لاتى بمه‌ره‌ما پێگه‌هاندنا وان.   

لده‌ستپێكا سمینارێ به‌رێز (Juha Merinen) وه‌ك رێكخه‌رێ سمینارێ و ئه‌ندامێ ده‌زگه‌هێ ناڤبرى بخێرهاتنا ئاخفتنكه‌رێن سمینارێ كر، كۆ پێكهاتبوو ژ پرۆفیسۆر (Kirsti Lonka)، و پرۆفیسۆر(Jari Lavonen)، و(Markus Talvio)، ژ زانكۆیا هیلسنكى، هه‌روه‌سا هه‌مى ئاماده‌بوویان.

سمینار ژ سێ ته‌وه‌رێن سه‌ره‌كى پێكدهات، د ته‌وه‌رێ ئێكى دا، پرۆفیسۆر (Kirsti Lonka)، به‌حسێ شێوازێن نوى یێ وانه‌گوتنێ و پلانا ئایده‌ى یا پرۆ سا فێركرنێ ل وه‌لاتێ فیلند كر، هه‌روه‌سا شاره‌شازێن كۆ پێدڤى یه‌ لده‌ف مامۆستایى جه‌رخێ (21) ێ هه‌بن، د ته‌وه‌رێ دوویێ دا، پرۆفیسۆر(Jari Lavonen)، به‌حسێ چه‌وانیا فێركرنا بابه‌تێ زانستێ و دروستكرنا پرۆگرامێ خواندنێ یێ بابه‌تێ زانست ل وه‌لاتێ فینلند، و شاره‌زایێ و شیانێن كۆ پێدڤى یه‌ لێ بهێنه‌ زێده‌كرن، و ل ته‌وه‌رێ سیێ و دیماهیێ (Markus Talvio)، به‌حسێ گرنگیا فێربوونا جڤاكى و هاوسۆزى كر، هه‌روه‌سا گرنگیا بكارئینانا وێ ل قوتابخانه‌ و داموده‌زگه‌هێن فێركرنێ.

پشتى سمینار بدویماهیك هاتى ده‌لیڤه‌ ب ئاماده‌بوویان هاته‌ دان بۆ پرسیاركرنێ، لدۆر بابه‌تێن سمینارێ، ولدویماهیێ رێكخه‌رێن سمینارێ سوپاسیا هه‌مى ئاماده‌بوویان كر.