ب هه‌لكه‌فتا ڕۆژا جیهانییا مافێ مرۆڤى سه‌مپۆزیوومه‌ك ل زانكۆیا زاخۆ هاته‌ ئه‌نجامدان

Published Date: Tuesday, 14 December 2021, 13:25

ڕێكخراوا كۆژین ژبۆ ئاشتییا جڤاكى ب هه‌ڤكارى لگه‌ل سه‌نته‌رێ زاخۆ بۆ ڤه‌كۆلینێن كوردى ل ڕۆژا سێشه‌مبێ ڕێكه‌ڤتى 14/12/2021، ب ئاماده‌بوونا چه‌ندین ماموستا و قوتابى و كه‌سایه‌تیێن دیار ڕابوون ب گێرانا سه‌مپۆزیوومه‌كێ ل فه‌كۆلتییا زانستێن مرۆڤایه‌تى ل هۆلا خه‌لیل خه‌یالى ب هه‌لكه‌فتا ڕۆژا جیهانییا مافێن مرۆڤى .

كو پرۆگرامێ ئه‌ڤێ سه‌مپۆزیوومێ پێكهاتبوو ژ ئینفۆگرافییه‌ك لدۆر مافێ مرۆڤى و هه‌روه‌سا په‌نه‌له‌ك لدۆر بابه‌تێن گرێداى ب پاراستنا مافێن مرۆڤیڤه‌ ھاتە ب رێڤەبرن ژلایێ (ڕۆمان خەلیل ڕەسول ) سەرۆکێ پشکا کارگێری یاسا ل پەیمانگەھا تایبەت رەواندز/ زاخۆ 

مێهڤاندارییا هه‌ر ئێك ژ :

(گولیستان نھێلی) په‌رله‌مانتارا په‌رله‌مانێ كوردستانێ

(مجید حمید حامد ) ده‌سته‌یا سه‌ربه‌خوییا مافێن مرۆڤى/زاخۆ

(زێره‌ڤان ئه‌مین) پشكا خواندنێن ئاشتى و مافێ مرۆڤى ل زانكۆیا دهۆك

چه‌ندین بابه‌تێن گرنك و پرس و گه‌نگه‌شه‌ هاته‌ كرن.

لدوماهیكێ ژی پێشانگه‌هه‌كا كه‌ڤالان هاته‌ ڤه‌كرن و چه‌ندین كه‌ڤال و تابلۆ هاتنه‌ پێشاندان ب ھەڤکاری دگەل سەندیکا ھونەرمەندێن کوردستانێ / زاخۆ .