هه‌ماهه‌نگییه‌كا زانستى دناڤبه‌ر زانكۆیا زاخۆ و زانكۆیا (Minnesota State University-Moorhead)

Published Date: Wednesday, 11 September 2024, 16:00

هه‌ماهه‌نگییه‌كا زانستى دناڤبه‌را زانكۆیا زاخۆ و زانكۆیا(Minnesota State University-Moorhead) 

ل رۆژا چارشه‌مبى ڕێكه‌فتى (11 /9/ 2024) ڕاگرێ كۆلیژا په‌روه‌رده‌(پ.د.ستار جبار حاجی) كۆمبوونه‌ك بشێوێ أونلاین رێكخست و ب ئاماده‌بوونا هه‌ر ئێك ژ به‌رێزان: هاریكارێ سه‌رۆكێ زانكۆیێ بۆ كاروبارێن زانستى و خواندنا بلند(پ.ه.د.جاسم محمد عبدو)، و هاریكارێ سه‌رۆكێ زانكۆیێ بۆ كاروبارێن قوتابییان(پ.ه.د.رمضان جعفر مصطفی)، و رێڤه‌به‌رێ سه‌نته‌رێ ڤه‌كۆلینان(پ.ه.د.دیندار شمس الدین بری)، و رێڤه‌به‌رێ په‌یوه‌ندییان(د.نزار عصمت علي)، دگه‌ل هاریكارێ سه‌رۆكێ زانكۆیا (Minnesota State University-Moorhead-USA) بۆ كاروبارێن قوتابییان به‌رێز (Dr. Arrick Jackson)، هه‌روه‌سا خانم (جیهان بریفكی) رێڤه‌به‌را ڕێكخراوا (HANASA) هاته‌ ئه‌نجامدان.  

د كۆمبوونێ دا، دانوستاندن لسه‌ر چه‌ندین بابه‌تان هاته‌ كرن د بوارێ فێركرن و فێربوونێ، و ڤه‌كۆلین و هه‌روه‌سا لێكگهورینا مامۆستا و قوتابییان و ڕاهێنانكرنا قوتابیێن مامۆستایان، و كۆنفرانسێن زانستى، و چه‌ند بابه‌تێن دى، ل زانكۆیێ بگشتى و بتایبه‌تى ل كۆلیژا په‌روه‌رده‌.  ل دویماهییا كۆمبوونێ و بۆ پێنگاڤا بهێت دانوستاندن لسه‌ر ئیمزاكرنا یاداشتنامه‌یه‌كا لێكتێگه‌هشتێ دناڤبه‌را زانكۆیا زاخۆ و زانكۆیا (MSUM) هاته‌ كرن.