زانینگەها ئەمریکی کوردستان - دهۆک، ڕابوون ب ئامادەکرنا پڕۆژەکێ (١٤) ڕۆژی ب ناڤێ (CAPAI Innovation Challenge Bootcamp) بۆ ئەوان قوتابیێن خودان هزرێن نوی بۆ کارکرن و داهێنانێ هەین، پڕۆژە ژلایێ ڕێڤەبەرێ سەنتەرێ CAPA بەرێز (Loucine Hayes) و ب ڕاهێنەرایەتیا بەرێز (Raffi Simonian) ژ وەڵاتێ ئەمریکا بوو.
هەژیە بێژین؛ ل هەیڤا پێنج یا ئەڤ ساڵە (٣٥) قوتابی ژ زانکۆیا زاخۆ پشکدارببوون د سمینارەکێدا ل زانینگەها ئەمریکی و پاشان ئەو بابەتێن هاتینە گوتن ئەوان کار ل سەر کر و هزرێن خۆ بۆ پڕۆگرامی نڤیسان و د ئەڤی پڕۆژەیی دا پێشکێشکرن و بۆ دەمێ (١٤) ڕۆژان ڕاهێنان ل سەر هاتنە کرن. ب ئامادەبوونا ڕێڤەبەرێ سەنتەرێ پەرەپێدانا کاری بەرێز (لاوەند اکرام محمد) و مامۆستا (هالە سعدلله یونس) سمینارێن قوتابیان هاتنە نیشاندان و ژلایێ لژنەکا تایبەت ڤە هاتنە هەلسەنگاندن.
سەرکەفتیێن ئەڤی پڕۆگرامی سێ سەرکەفتی بوون، قوتابیێن زانکۆیا زاخۆ شیان پلەیێن دو و سێ بدەستخۆڤە بینن و خەلاتێ وان بۆ دەمێ (٦) هەیڤان ئەو دێ هێنە ڕاهێنانکرن ل زانینگەها ئەمریکی ل سەر هەمان پڕۆگرام بێ بەرامبەر.
بناڤێ زانکۆیا زاخۆ سوپاسی و دەستخۆشیێ ل قوتابیێن خۆ یێن سەرکەفتی دکەین و هیڤیا بەردەوامی و پێشڤەچوونێ بۆ وان دخازین، سەرکەفتی و سەرفەرازبن.
قوتابیێن زانکۆیا زاخۆ ژ پشکا زمانێ ئینگلیزی:
١- یاسر نعمت جانگیر
٢- هەروش دەرویش جعفر
٣- امیر سردار احمد