سەنتەرێ گەشەپێدان بو کاری ل زانکۆیا زاخۆ دەستخوشییەکا ژهەژی پێشکێشی ئەڤان قوتابیێن ڕێزدار دکەت ئەڤێن ناڤێن وان ل خوارێ دیارکری کو پشکدار بوون د پروگرامەکێدا ل ژێر ناڤونیشانێن  پێگەیاندنا کچێت سەرکردە  (Women Empowerment and Leadership Program). هەژی گوتنێ یە، ئەڤ پروگرامە ژ لایێ زانکۆیا گەرمیان ڤە و ب هەماهەنگی ل گەل رێکخراوی هاوڕێیەتی نێودەوڵەتی  International  Friendship   هاتە پێشکێشکرن . کو زێدەتر ژ ٢٠٠ قوتابییان ژ ١٦ زانکویێن حکومی و ئەهلی ل کوردستانێ تێدا پشکداربوون. لەوا ب دەلیڤە دزانین کو سوپاسییکا تایبەت پێشکێشی سەنتەرێ گەشەپێدان بو کاری ل  زانکۆیا گەرمیان  بکەین کو قوتابیێن  زانکۆیا زاخۆ ژ هەژی دیتین و بێ بەهر  نەکرین ژ پروگرامێ هەری باشێ (پێگەياندنا کچێن سەرکردە) ئەوێ کو هەژمارەکا زور کەسانێن بەرنیاس و خودان سەربور تێدا بشکدار بووین، هەروەسا ژبو پشتەڤانیا وان یا بەردەوام.

ئەڤ پرۆگرامە ل سەر بنەمایێ بهێزکرنا کچا کورد بوو د کۆمەڵگەهێدا ب رێکا زنجیرەک ژ سیمینارێن جودا جودا ل سەر بابەتێن هەمەجۆر کو ژ لایێ هندەک ژ ژنێن بشیان و دیار و سەرکردە ل کوردستانێ هاتبوو پێشکێشکرن. داکو  کچێن گەنج یێن کوردستانێ بشێن مفایی ژ سەربوور و ئەزموونێن وان وەربگرن.

ئەڤ پرۆگرامە بو ماوێ (٤) هەفتیان ڤەکێشابوو ژ رێکەفتی (٢٠٢٢/٢/٣) تاوەکو (٢٠٢٢/٢/٢٦). سیمینار ب رێکا ئۆنلاین بوون.  بابەتێن هاتین گەنگەشەکرن و شرۆڤەکرن د ماوێ پروگرامیدا ئەڤێن ل خوارێ بوون:

١.مفا وەرگرتن ژ دەرفەتێن ناڤخویی و ناڤدەولەتی.

٢. گرنگییا کەسایەتییا بهێز و خودان حەز و ئیرادە بۆ کچان.

٣. ئافرەت دناڤ میدیایێدا.

٤. دروست بکارهینانا سوشیال میدیاییێ.

٥. هاتن بۆ ناڤ بازرگانییێ و بشیانکرنا ئافرەتێ د بوارێ کارگێری و ئابووریدا. 

٦. گرنگیا دەمی د بنیاتنان و گەشەپێدانا کەسایەتییا سەرکردە.

٧. خۆ سەلماندن و دروستکرنا گوهورانکاریا ب ڕێکا نڤیسین و وێژی ڤە.

٨. هونەر دناڤ حەز و پیشەدا.

٩. بوچی پێدڤییە کچ ببیتە سەرکردە.

١٠. ڕولێ ئافرەتێ د ئابووریدا.

ب دلخوشیڤە قوتابیێن زانکۆیا زاخۆ سەرکەفتییانە پروگرام ب دوماهیک ئینان و ل دوماهیێ هاتنە خەلاتکرن ب باوەرنامێن پشکداربونێ. ئەڤێن ل خوارێ ناڤێن قوتابیێن پشکدارن ژ زانکۆیا زاخۆ.

1.Zina Ahmed Yousf نوێنەرا کچێن زانکۆیا زاخۆ

2. Aya salih Ahmad

3. Haveen ahmad sadiq

4. Sipal rasheed saado

5. Awaz Ahmed Muhammed

6.Safia Abdullaziz Tahir

7.Zozan Ramadhan Nasri

8.maria Mohammed Ibrahim

9.jiyan Ramadan Mohammed

10.Zinar maraan mohammad 

11.Amine abdi brheem 

12.Elaf nashwan Salim

13.Rozheen idrees abid

14.Fahema Tamar Taher

15.Heja Taher Mohammed

16.Amal Mohammed Ibrahim

17.sedra farhad abdulateef