ل ڕۆژا شه‌مبیێ رێكه‌ڤتى 04/12/2021 ڕێڤه‌به‌رێ ڕێڤه‌به‌رییا دلنیا جۆرى ل زانكۆیا زاخۆ (د.دلێر عادل جمیل) پشكدارى كۆنفرانسێ قوتابیێن DAAD ێ بوو (خواندنا بلند یا دیجیتال ل ئۆردن، عیراق و لبنان: ستراتیجیێن سازى، پراكتیكێن باش و دیتنا پاشه‌رۆژێ) دا كر ئه‌وێ هاتییه‌ سازكرن ژلایێ رێكخراوا DAAD Deutscher Akademischer Austauschdienst, خزمه‌تا لێكگهۆرینا ئه‌كادمى یا ئه‌لمانى.

ڕێڤه‌به‌رێ ئۆفیسا هه‌رێمى یا DAAD عمان به‌رێز (بنجامین شمالینگ)، سكرتێرێ گشتى یێ وه‌زاره‌تا خواندنا بلند و ڤه‌كۆلینێن زانستى یێ ئۆردن (پ.د.مه‌ئمون الدیبی) و ڕێڤه‌به‌رێ پشكا ده‌رفه‌تێن خواندنا بلند، خزمه‌تا لێكگهۆرینا ئه‌كادیمى یا ئه‌لمانى، بۆن (د. بیرگیت كلوسنه‌ر)پشكدارى كۆنفرانسى بوون و په‌یڤێن خۆ هه‌بوون.

د ئه‌ڤى كۆنفرانسیدا هێز و لاوازیێن فێربونا ئه‌لیكترۆنى و په‌روه‌رده‌یا دیجیتالى ل ئوردن، عیراق و لبنان و چاوانییا پێشڤه‌برنا فێربوونا ئه‌لیكترۆنى ب گشتى و بتایبه‌تى د ره‌وشا كۆرۆنایێدا هاته‌ گه‌نگه‌شه‌كرن.