ڕۆژا ئێکشەمبێ ڕێکەفتی (٢٠٢٦/٩/٦) ل پشکا پەروەردا جەستەیی و زانستێ وەرزشی ل زانکۆیا زاخۆ، ئەزموونێن وەرگرتنا قوتابیان یێن پراکتیکی بۆ ساڵا خواندنێ ٢٠٢٦–٢٠٢٧ هاتنە ئەنجامدان.

دهێتە زانین؛ ئەڤ ئەزموونە بۆ قوتابیێن دەرچووییێن پۆلا (١٢)ـێ ئامادەیی و دەرچوویێن پەیمانگەهێن وەرزشی هاتینە ڕێکخستن، و ب مەبەستا هەلبژارتنا قوتابیێن خودان شیان بۆ درێژەدان ب خواندنێ ل پشکا پەروەردا جەستەیی و زانستێن وەرزشی دهێتە ئەنجامدان. ئەڤ پرۆسەیا ئەزموونان ژ چەندین قۆناغان پێکدهێت؛ ل ژێر چاڤدێریا لیژنەیا پزیشکی، پاشان ئەزموونێن جەستەیی و ڕاهێنانێن وەرزشی، وەک باسکتبۆل، ڤۆلیبۆل، تەپادەستی و هەروەسا ڕاهێنانێن جەستەیی و تاقیکرنا شیانێن قوتابیان.

ئەڤ ئەزموونە ڕاستەوخۆ لژێر چاڤدێری و ئامادەبوونا ڕێزدار (پ.د. دیار عبدالکریم سعید) سەرۆکێ زانکۆیا زاخۆ بڕێڤە دچن. هەروەسا ئامادەبوونا هاریکارێن سەرۆکێ زانکۆیێ بۆ کاروبارێن زانستی و خواندنا بلند و قوتابیان و ڕاگرێ کۆلیژا پەروەردە.

ب هیڤیا سەرکەفتنێ بۆ هەمی ئەو قوتابیێن پشکداری د ئەڤێ  ئەزموونێ دا کری.