ڕۆژا چارشەمبی، ڕێکەفتی (١٠ی حوزەیرانا ٢٠٢٦ێ)، ب سەرپەرشتیا ڕێزدار (پ.د. دیار عبدالکریم سعید) سەرۆکێ زانکۆیا زاخۆ و ب ئامادەبوونا هاریکارێن سەرۆکی و جڤاتا زانکۆیێ کۆمبوونەکا گرنگ و بەرفرەهـ ل دۆر ئامادەکاری و ڕێکخستنا کاروبارێن کارگێڕی و زانستی یێن (کۆنفرانسێ زانستی یێ ژیرییا دەستکرد - AI) ل زانکۆیا زاخۆ بڕێڤەچوو.
د تەوەرێن ئەڤێ کۆمبوونێ دا، ب تێروتەسەلی گەنگەشە ل سەر سەرجەم قۆناغێن بڕێڤەچوونا کۆنفرانسی هاتە کرن؛ هەر ژ ئامادەکاریێن پێشوازیکرنا مێهڤانان و ڤەکۆلەران هەتا دووماهی بڕگەیێن کارنامەیا زانستی. هەروەسا ب مەرەما بڕێڤەبرنەکا سەرکەفتی و ئەکادیمی، ئەرک و بەرپرسیاریەتی ب شێوەیەکێ ڕێکوپێک و پیشەیی ب سەر چەندین لیژنەیێن لاوەکی و تایبەتمەند دا هاتنە دابەشکرن.
هەژیە بێژین؛ ئەڤ کۆنفرانسێ زانستی یێ ناڤدەولەتی دێ ل ڕۆژێن (١٧ و ١٨ی حوزەیرانا ٢٠٢٦ێ)، وەک پرۆژەیەکێ ئەکادیمی یێ هەڤپشک د ناڤبەرا هەر ئێک ژ زانکۆیێن (زاخۆ، پۆلیتەکنیکا دهۆک، شرناخ، سۆران، و ئاکرێ بۆ زانستێن کرداری) هێتە ئەنجامدان.