ڕۆژا دووشەمبێ ڕێکەفتی (٢٠٢٦/٥/٢٥) ب ئامادەبوونا بەرێزان هاریكارێ سەرۆكێ زانكۆیێ بو كارۆبارێن قوتابیان (پ. هـ. د. رمضان جعفر مصطفى) و رێڤەبەرێ پەیوەندیێن ناڤدەولەتی (پ. هـ. د. نزار عصمت علي) كومبوونەكا ئونلاین هاتە ئەنجامدان ل گەل بەرێز (Prof. Dr. Antonio Morone ) ڕێكخەرێ پرۆژەیێن ناڤدەولەتی ل زانكۆیا پاڤیا یا ئیتالی و پرۆفیسور دبوارێ مێژوویا ئاسیا و ئەفریقا دا.
خوشبەختانە هەمی دەرچوویێن زانكۆیا زاخۆ دشێن پێشكێشی خواندنا ماستەرێ بكەن ل زانكۆیا پاڤیا بو سالا خواندنێ (٢٠٢٦ -٢٠٢٧) کو کریا خواندنێ سالانە ب كۆژمێ تنێ 1000€ يورويا. هەروەسا دپلان دایە كۆ دەرچویێن زانكۆیا زاخۆ یێن ڕێزبەندێن ئێكێ پشتی وەرگرتنا ڕەزامەندیا خواندنێ ژلایێ زانكۆیا پاڤیا ڤە دێ چاڤپێكەڤتن ل گەل ئەوان هێتە ئەنجامدان و دێ پشکەک ژ وان پالپشتیا دارایی ژلایێ زانكۆیا زاخۆ ڤە لێ هێتە كرن.
ئەڤ دەستكەفتەژی پشتی پەیوەندیێن ناڤدەولەتی یێن دناڤبەرا زانكۆیا زاخۆ و زانكۆیا پاڤیا ل وەلاتێ ئیتالیا ل دۆر پرۆژە و چالاكیێن زانستی و ئەكادیمی پێشكەفتن بخوڤە دیتی.
هەژیە بێژین؛ كۆ زانكۆیا پاڤیا ژ باشترین زانكۆیانە ل سەر ئاستێ جیهانی و چەندین زانایێن جیهانی لێ دەرچووینە و هەروەسا مێژوویا دامەزراندنا وێ د زڤریت بو سالا (1361) زاینی كو ئێك ژ كەڤنترین زانكۆیێن جیهانی دهێتە هەژمارتن.

پێشكێشكرن دێ ب ئەڤی شێوازی بیت:
1. دەرگەهێ پێشكێشكرنا خواندنا ماستەرێ دێ ل ڕێككەڤتی ٥ / ٦ / ٢٠٢٦ بیت برێكا ئونلاین.
2. پێدڤییە كوپیا باوەرناما بەكالۆریۆسێ ب زمانێ ئینگلیزی بیت یان بهێتە وەرگێران بو زمانێ ئیتالی.
3. پشتی دەرگەهێ پێشكێشكرنێ ڤەدبیت ل دەمێ هاتیە دەستنیشانكرن، قوتابی دشێن برێكا ئەڤێ لینكا ل خوارێ پێشكێش بكەن:

https://apply.unipv.eu
4. ئەنجامێن ڕەزامەندیێ ژلایێ زانكۆیا پاڤیا ڤە دێ ل ڕێككەڤتی ٦ / ٧ / ٢٠٢٦ هێنە ڕاگەهاندن.
5. ئاسانكاریێن وەرگرتنا ڤیزێ و پشكێن نافخوی ل زانكۆیا پاڤیا دێ ژلایێ زانكۆیا زاخۆڤە هێنە كرن.
6. قوتابیێن بارێ وان یێ دارایی لاواز دێ پشتگیریا وان هێتە كرن ژلایێ سەرۆكاتیا زانكۆیا زاخۆڤە كو كریا خواندنا وان یا ماستەرێ بهێتە كێمكرن ژلایێ زانكۆیا پاڤیا یا ئیتالی ڤە.
7. پێدڤیە قوتابی پشتگریەك هەبیت كۆ خواندنا وی یا بەكالریوسیێ ب زمانێ ئینگلیزی بویە یان باوەرنامەیەكا زمانێ ئینگلیزی هەبیت.
8. بۆ،خواندن ب زمانێ ئینگلیزی پیدڤییە لدەمێ پێشكێشكرنێ قوتابی كلیك لسەر ئەوان پرۆگراما بكەت یێن ب زمانێ ئینگلیزی دهێنە خواندن و هەروەسا ژلایەكێ دیتر ڤە قوتابی دشێن ب زمانێ ئیتالی ژی بخوینن.
9. دەرچوویێن زانكۆیا زاخۆ یێن دهێنە وەرگرتن ژلایێ زانكۆیا پاڤیا ڤە ژبلی خواندنا ماستەرێ دێ پشكداری چەندین چالاكیێن كەلتووری و هونەری و وەرزشی بن كۆ د هێنە ڕێكخستنێ ژلایێ زانكۆیا پاڤیا ڤە.
10. بو پتر پێزانینا هین دشێن سەرەدانا ڕێڤەبەریا پەیوەندیێن ناڤدەولەتی یێن زانكۆیا زاخۆ بكەن.