لژێر چاڤدێریا بەرێز (پ.د. یاسین تەها مستەفا) ب هەماهەنگییا دناڤبەرا سەنتەرێ زمانان و سەنتەرێ پێداگۆجی و پەرەپێدانا ئەکادیمی و کۆلیژا ئەندازیاری ل رێکەفتی (٢٠٢٣/٧/٢٦) ب ئامادەبوونا هژمارەکا خوێندکارێن کۆلیژا ئەندازیاری خولا زمانێ ئینگلیزی دەستپێکر ب ناڤونیشانێ:
(Advanced English Language Program for Engineering Faculty Students)
خولا ناڤبری هاتیە ئامادەکرن بۆ قوتابیێن کۆلیژا ئەندازیاری ب پڕۆگرامەکێ ڕێکخستی ژلایێ رێڤەبەرێ سەنتەرێ زمانان ماموستایێ هێژا (پ.ھ.م. ئیڤان حسن مراد) و هەڤکاری دگەل ڕێڤەبەرێ سەنتەرێ پێداگۆجی (پ.ھ.د. ستار جبار حاجی) هەروەسا ب هەماهەنگیا ماموستایا هێژا ( م. دیمن زهير جقسي) ژ پڕۆگرامێ (WED) یێ کۆلیژا ئەندازیاری.
پڕۆگرامێ خولێ لسەر بابەتێن ئەندازیاری هاتینە داڕێژتن و پڕۆگرام دێ بۆ دەمێ هەیڤەکێ بەردەوام بیت، پڕۆسەیا خولێ دێ ڕاستەوخۆ د ناڤا کەمپا زانکۆیێ دا دێ هێتە بڕێڤەبرن و د هەمان دەمدا ب شێوەێ ئونڵاین دێ یا بەردەست بیت بۆ ئەوان قوتابیێن نەشێن سەرەدانا زانکۆیێ بکەن.
هەژیە بێژین، ئەڤ خولە بۆ جارا ئێکێ یە دهێتە ڕێکخستن ب شێوەیێ تایبەت ب کۆلیژ و فەکۆلتیەکێ ڤە. هەروەسا  پشتی ب دوماهی هاتنا خولێ دێ باوەرنامە ب خوێندکارێن بەشداربووی هێتە بەخشین.