شاندەکێ بلند ژ وەزارەتا خواندنا بلند و ڤەکۆلینێن زانستی سەرەدانا زانکۆیا زاخۆ کرن

Published Date: Tuesday, 28 February 2023, 19:11

ڕۆژا سێشەمبی ڕێککەفتی (٢٠٢٣/٢/٢٨) شاندێ لیژنا بلندا پێداچوونێ ب پرۆگرامێن خواندنێ ل کۆلیژێن هەرێما کوردستانێ ل وەزارەتا خواندنا بلند و ڤەکۆلینێن زانستی ب سەرۆکاتی و سەرپەرشتیا بەرێز (د. توانا نجف محمد) ڕێڤەبەرێ گشتیێ کارگێری و دارایی ل وەزارەتا خواندنا بلند، ب مەرەما ئەنجامدانا کومبوونا وەزارەتێ سەبارەت (پێداچوون ب پرۆگرامێن خواندنێ ل کۆلیژێن کارگێری و ئابووری)  و دگەل بەڕێزان ڕاگر و سەرۆک پشکێن زانستی یێن کۆلیژێن کارگێری و ئابووری ل زانکۆیێن هەرێما کوردستانێ، سەرەدانا زانکۆیا زاخۆ کرن و ژلایێ ڕاگرێ کۆلیژا کارگێری و ئابووری بەرێز (پ.هـ.د. ڕەنج محمد نوری)ڤە هاتنە پێشوازیکرن.

مەرەم ژ ئەڤان کومبوونێن گرنگ یێن وەزارەتا خواندنا بلند ئەنجامددەت ل زانکۆیێن هەرێما کوردستانێ، ل سەر فەرمانا وەزیرێ خواندنا بلند و ڤەکۆلینێن زانستی بەرێز (د. ئارام محمد قادر) کۆ دایە دیارکرن دڤێت پێداچوون و پێشڤەبرن د پرۆگرامێن هەمی کۆلیژ و پشکێن خواندنێ ل زانکۆیێن هەرێما کوردستانێ بهێتە کرن و ب بازارێ کاریڤە بهێنە گرێدان، دگەل هندێ وەزارەت کار ل سەر هندێ دکەت، دەمێ قوتابی خواندنێ ب دوماهیک بینیت، بشێت شیانێن خۆ دگەل بازارێ کاری بگونجینیت و کارەکێ بدەستخۆڤە بینیت.

هەژییە بێژین ل دویڤ فەرمانا وەزارەتا خواندنا بلند، کۆلیژا کارگێری و ئابووری/ زانکۆیا زاخۆ هاتیە دەستنیشانکرن وەک سەنتەر بو هەماهەنگیێ و بڕێڤەبرنا پرۆژێ (پێداچوون ب پرۆگرامێن خواندنێ ل کۆلیژێن کارگێری و ئابووری) ل زانکۆیێن هەرێما کوردستانێ.