سەنتەرێ زاخۆ بۆ ڤەکۆلینێن کوردی ئێکەم سەمپۆزیووما خوە گێرا

ئەڤرۆ ڕۆژا دووشەمبێ ڕێکەڤتی ٨/١١/٢٠٢١ ب ئامادەبوونا ڕاگرێ فەکۆلتیا زانستێن مرۆڤایەتی و پرۆفیسۆرێن ھاریکار و قوتابیێن زانکۆیا زاخۆ، سەنتەرێ زاخۆ بۆ ڤەکۆلینێن کوردی ل فەکۆلتیا زانستێن مرۆڤایەتی، ئێکەم سەمپۆزیووما خوە گێرا.

ل بەریا دەستپێکرنا سەمپۆزیوومێ بەڕێز (پ.د عبدلسەلام نەجمەدین) سەرۆکێ سەنتەرێ زاخۆ بۆ ڤەکۆلینێن کوردی، پەیڤا خوە پێشکێشکر و دیارکر: ئێك ژ ئارمانجێن سەرەکیێن سەنتەرێ زاخۆ بۆ ڤەکۆلینێن کوردی ژبلی ئەنجامدانا ڤەکۆلینێن زانستی ل دوور دیرۆك، زمان و ئەدەبێ کوردی، چێکرن و خورتکرنا پەیوەندیان د ناڤبەرا ماموستا و قوتابیێن زانکۆیا زاخۆ و زانکۆیێن دییە. و ئەڤ زنجیرەیا سەمپۆزیووما ب ئارماجا ناساندن و ژ نێزیك دیتنا ڤەکۆلەر و ڕەوشەنبیرێن دەرڤەی زانکۆیا زاخۆ و د ھەمان دەمدا گەنگەشە و لێك گوھوڕینا ھزر و نێرینێن زانستی ھاتیە ڕێکخستن، و کۆمەکا ماموستایێن تایبەتمەند و شارەزا ل زانکۆیێن (دھۆك، ھەولێر، مۆسڵ...) و زانکۆیێن دی یێن عێراقێ تێدا بەشدارن.

پاشان ئێکەم سەمپۆزیووم ھاتە گێران کۆ گرێدای پشکا زمانێ ئنگلیزی بوو ب ناڤ و نیشانێ (Contemporary Trends and progress in Language and Literature) ژ لایێ پڕۆفیسۆرێن پشکدار چەندین سمینار بۆ ئامادەبوویان ھاتنە پێشکێشکرن. ژ هەژییە بێژین کو ئەڤ سەمپوزیووم ژ دوو ڕوینشتنان پێکدهات.

ڕوینشتنا ئێکێ:

پ.د. حسین علی احمد

پ/د هیمداد عبدالقهار محمد

پ.د شڤان شلیمون توما

ڕئێڤەبەرێ ڕوینشتنێ: پ.د سنان شیرو مالو

ڕوینشتنا دوویێ: 

پ.د حسین مواید حمید

پ.د مامو فرهاد عـثمان

ڕێڤەبەرا ڕوینشتنێ: د. امل عبدالجبار محمد

ئەڤ زنجیرە سەمپۆزیوومە ب ھەڤکاری دگەل پشکێن زانستیێن فەکۆلتیا زانستێن مرۆڤایەتی ھاتیە ڕێکخستن و پشکێن (زمانێ کوردی، زمانێ ئنگلیزی، زمانێ عەرەبی، زمانێ تورکی، مێژوو، و پشکا خواندنێن ئیسلامی) دێ ب ڕۆلێ خوە یێ زانستی رابن. ب ڤی ڕەنگی بۆ ساڵا خواندنا ٢٠٢١-٢٠٢٢ دێ شەش سەمپۆزیووم ھێنە گێران، ھەر سەمپۆزیوومەك گڕێدای پشکەکا زانستییە و دەربڕێنێ ژ ئەوێ پشکا زانستی دکەت و دێ ب ھویری ڤەکۆلین و دویڤچوونا ھندەك مژارێن زانستیێن پەیوەندیدار کەت.